पुणे - महाराष्ट्र नवनिर्माण सेनेचे अध्यक्ष राज ठाकरे हे आजपासून तीन दिवसीय पुणे दौऱ्यावर ( Raj Thackeray Pune Tour ) आले आहेत. आगामी महानगरपालिका निवडणुकीच्या ( Pune Municipal Corporation Election ) दृष्टीने हा दौरा महत्त्वाचा मानला जात आहे. याच पुणे दौऱ्याची सुरुवात राज ठाकरे यांनी एका सर्वसामान्य कार्यकर्त्याच्या घरी पाहुणचार करून केली आहे.
नाश्त्याला उपीट आणि पोहे
शिवाजीनगर गावठाण येथील अनिकेत ढगे ( MNS Activist Aniket Dhage ) याच्या घरी राज ठाकरे यांनी आज भेट दिली. यावेळी राज ठाकरे यांनी नाश्त्याला चहा आणि थोडंसं उपीट आणि पोहे खाऊन दौऱ्याची सुरवात केली ( Raj Thackeray Breakfast MNS Activists House ) आहे. ढगे कुटुंबीयांनी सकाळपासूनच घरात विविध पदार्थ करत राज ठाकरे यांच्या स्वागतासाठी जय्यत तयारी केली होती. राज ठाकरे घरी येणार असल्याचं समजताच मोठ्या प्रमाणात आनंद झाला होता, अशी भावना यावेळी ढगे कुटुंबीयांनी व्यक्त केली.
तीन दिवस घेणार विविध पदाधिकाऱ्यांच्या बरोबर बैठक
राज ठाकरे हे आजपासून पुण्यात आले आहे. सकाळी 9 ते 11 शिवाजीनगर मतदार संघ आणि त्यानंतर 12 ते 2 कोथरूड मतदार संघ, 4:30 ते 5:50 वाजता खडकवासला मतदार संघ आणि संध्याकाळी 6 ते 7:30 वाजता हडपसर मतदार संघ अशी बैठक होणार आहे. 16 डिसेंबरला सकाळी 9 ते 11 वाजता कसबा मतदार संघ, 12 ते 2 पर्वती मतदार संघ, दुपारी 4 ते 5:30 वाजता कॅन्टोन्मेंट मतदार संघ आणि संध्याकाळी 6 ते 7:30 वाजता वडगावशेरी मतदार संघाची बैठक ते घेणार आहेत. शुक्रवारी 17 डिसेंबरला आजी- माजी नगरसेवक यांची बैठक होणार आहे.
हेही वाचा -राज ठाकरेंच्या पुणे दौऱ्याआधीच रूपाली पाटील यांचा राजीनामा