पुणे - या वर्षाच्या सुरुवातीपासून शहरात हेल्मेट सक्ती लागू करण्यात आली होती. यंदा वर्षभरात पोलिसांनी हेल्मेट न घालणाऱ्या पुणेकरांना तब्बल 81 कोटींचा दंड ठोठावला आहे. वाहतूक पोलिसांनी केलेल्या कारवाईत 16 लाख दुचाकीस्वारांकडून दंडाची रक्कम आकारण्यात आली आहे. वाहतूक विभागाने प्रत्यक्ष चौकांमध्ये थांबून तसेच सीसीटीव्हींमार्फत ही कारवाई केली आहे.
वर्षभरातील हेल्मेटसंबंधी करवाईत पुणे पोलिसांच्या तिजोरीत 81 कोटी
न्यायालयाच्या निर्णयानंतर शहरात हेल्मेट बंधनकारक करण्यात आले. यानंतर शहर पोलिसांनी नियम मोडणाऱयांच्या मुसक्या आवळायला सुरुवात केली. संबंधित हेल्मेट सक्तीला हेल्मेट विरोधी कृती समितीने विरोध केला होता. यावेळी आंदोलन झाले. तसेच मोर्चे देखील काढण्यात आले होते.