पुणे - पोलिसांच्या दक्ष नजरेतून काहीही सुटत नाही, हे पुन्हा एकदा सिद्ध झाले आहे. कारण, पुणे विमानतळ पोलीस स्टेशनच्या पोलिसांनी कुख्यात गुन्हेगार आणि त्याच्या साथीदाराला ( Pune Airport Police Arrested A Gang Of House Burglars) केवळ एका पेनच्या टोपनावर संशय घेत अटक केली आहे. त्यांच्याकडून जवळपास 29 लाख रुपयांचा माल जप्त करण्यात आला आहे. त्याच्यासह सराफालाही अटक करण्यात आली आहे. गजराज मोतीलाल वर्मा (38, निवारी पानमळा, धायरी वडगाव, मूळ रा. कोट्रिटा, मध्य प्रदेश), गोरे उर्फ गणेश रती राणा (32) आणि शशिकांत भीमराव जाधव (32, रा. सोलापूर) अशी अटक करण्यात आलेल्या आरोपींची नावे आहेत.
पुणे पोलिसांनी लावला 29 लाखांच्या चोरीचा छडा काय आहे प्रकरण?काही दिवसांपूर्वी विमानतळ परिसरातील रहिवासी असलेले अरविंद हिंगे यांचा बंद फ्लॅट फोडून चोरट्यांनी तब्बल 18 तोळे वजनाचे दागिने व रोख रक्कम लंपास केली होती. ही घटना ऑक्टोबर महिन्यात घडली होती. या प्रकरणी विमानतळ पोलीस ठाण्यात या चोरीच्या गुन्ह्याची नोंद करण्यात आली होती.
29 लाख 20 हजार रुपयांचे दागिने जप्त -दोघांनी चोरीचे सोन्याचे दागिने सराफ शशिकांत जाधव यांना विकले होते. चोरीचे सोने घेतल्याप्रकरणी पोलिसांनी शशिकांतलाही अटक केली आहे. त्यांच्याकडून 29 लाख 20 हजार रुपयांचे दागिने जप्त करण्यात आले आहेत. गजराज आणि गौरे उर्फ गणेश हे पोलिसांच्या नोंदीतील अट्टल गुन्हेगार आहेत. त्याच्यावर आतापर्यंत 24 गुन्हे दाखल आहेत. यापूर्वीही त्याला अटक करण्यात आली आहे. गजराज नुकताच तुरुंगातून सुटला होता. त्यानंतर त्याने पुन्हा हा गुन्हा केला आहे. तो सराईत गुन्हेगार आहे. उपायुक्त रोहिदास पवार यांच्या मार्गदर्शनाखाली वरिष्ठ निरीक्षक भरत जाधव, पोलीस निरीक्षक मंगेश जगताप, तपास पथकाचे अधिकारी सचिन जाधव, नाना कारचे, गिरीश नाणेकर, सहायक फौजदार अविनाश शेवाळे, उमेश धेंडे व त्यांच्या पथकाने ही कारवाई केली आहे.
कसा लागला छडा -पोलीस परिसरात गस्त घालताना पथकाला महिती मिळाली की एक संशयित कारमधून पळून जाण्याचा प्रयत्न करत आहे. पोलीसांनी त्याला पकडून त्याची झडती घेतली असता त्याच्याकडे एक महागडा पेन अढळला आणि त्याच पेनच्या टोपनावर अरविंद हिंगे असं लिहलेलं आढळून आले. आरोपीला ताब्यात घेतल्यानंतर या सगळ्या गुन्ह्याचा छडा लागला, अशी माहिती विमानतळ पोलीस स्टेशनच्या गुन्हे शाखेचे पोलीस निरीक्षक मंगेश जगताप यांनी दिली आहे.
हेही वाचा - 31 December Rashi Bhavishya : 'या' राशीवाल्यांना आज कोर्टाच्या कामात यश मिळेल; जाणून घ्या आजचे राशीभविष्य
