पुणे - पुण्यातील वडगाव शेरी येथे अतिक्रमण विभागाच्या कारवाई दरम्यान एक अजब प्रकार समोर आला आहे. कारवाईच्या दरम्यान भाजी विक्रेता फेरीवाला थेट अतिक्रमणाच्या गाडीखाली झोपला आणि मला माझी गाडी वापस द्या, अशी विनंती करू लागला. वडगाव शेरीमध्ये मोठ्या प्रमाणात अतिक्रमण झाले आहे. याच्याविरोधात पुणे महापालिकेने कारवाईचा बडगा उचलण्यास सुरुवात केली आहे. त्याच दरम्यान या भागतील अनधिकृत फेरीवाल्यांवर महापालिकेचे काही अधिकारी कारवाई करत होते. या कारवाई दरम्यान विभागाने या भाजी विक्रेत्याची गाडी उचलली आणि टेम्पोत टाकली.
पुणे महापालिकेच्या अतिक्रमण कारवाई दरम्यान संताप अनावर