ज्येष्ठ चित्रकार प्रमोद कांबळे यांनी रेखाटले सुनेत्रा पवार यांचे पोट्रेट

राष्ट्रवादी काँग्रेस पक्ष, दीवा प्रतिष्ठान आणि दीपक मानकर यांच्या वतीने बालगंधर्व येथे पाच दिवसीय चित्र- शिल्प संवाद या उपक्रमाचे आयोजन करण्यात आले आहे. सुनेत्राताई पवार यांनी भेट देत सहभागी कालावंतांशी संवाद साधला.

पुणे - राष्ट्रवादी काँग्रेसचे अध्यक्ष शरद पवार (Sharad Pawar Turns 81 Today) यांच्या वाढदिवसानिमित्त राष्ट्रवादी काँग्रेस पक्ष, दीवा प्रतिष्ठान आणि दीपक मानकर यांच्या वतीने बालगंधर्व येथे पाच दिवसीय चित्र- शिल्प संवाद (Painting Exhibition on Sharad Pawar ) या उपक्रमाचे आयोजन करण्यात आले आहे. सुनेत्राताई पवार यांनी भेट देत सहभागी कालावंतांशी संवाद साधला. यानंतर ज्येष्ठ शिल्पकार, चित्रकार प्रमोद कांबळे यांनी अवघ्या 12 मिनिटात सुनेत्राताई पवार यांचे अतिशय सुंदर पोट्रेट (Portrait of Sunetra Pawar) रेखाटले. या प्रसंगी सुनेत्राताई पवार यांनी आपल्या भावना व्यक्त केल्या. यावेळी दीवा प्रतिष्ठानच्या वतीने प्रमोद कांबळे यांना त्यांच्या आगीत हानी झालेल्या स्टुडिओचा पुनर्विकास करण्यासाठी मदत म्हणून एक लाख रुपयांचा धनादेश देण्यात आला.

माझ्यासाठी हा आठवणीत राहणारा क्षण -शरद पवार साहेबांच्या वाढदिवसानिमित्त या चित्र- शिल्प संवाद कार्यक्रमाचे आयोजन करण्यात आले आहे, याचा आनंद आहे. कोरोनाच्या अलीकडच्या काळात आपल्या राज्यातील कलाकारांना व्यासपीठ मिळवून देण, हे खूप गरजेच होत. ते मिळवून देण्याचे काम दीपक मानकर यांनी केलेले आहे. आज येथे आल्याने अनेक मनाला भावणाऱ्या गोष्टी पाहायला मिळाल्या, लाईव्ह काम पाहायला मिळाले. माझ्यासाठी हा आठवणीत राहणारा क्षण असून मी या अनुभवाने भारावून गेले आहे, असं यावेळी सुनेत्रा पवार म्हणाल्या.