पुणे - पंतप्रधान नरेंद्र मोदी आज पुणे (PM Modi Pune Visit) दौऱ्यावर आहेत. पुणे मेट्रोचं उद्घाटन, पुणे महापालिकेतील छत्रपती शिवरायांच्या पुतळ्याच अनावरण तसेच अनेक विकासकामाचं उद्घाटन आणि भूमिपूजन पंतप्रधानांच्या (PM Inaugurates Pune Metro) हस्ते झाले.
प्रतिनिधींनी घेतलेला आढावा पंतप्रधान नरेंद्र मोदी यांच्या दौऱ्यातील सर्वात महत्त्वाचा भाग म्हणजे पुणे मेट्रोचे उद्घाटन. आतुरतेने वाट पाहणाऱ्या पुणेकरांची प्रतीक्षा आता संपली आहे. पुणे मेट्रोचे उद्घाटन पंतप्रधान नरेंद्र मोदी यांच्या हस्ते काही वेळापूर्वी संपन्न झाले आहे. 2016 मध्ये पंतप्रधान नरेंद्र मोदी यांच्या हस्ते या प्रकल्पाचे भूमिपूजन झालं होतं आणि आज त्यांच्याच हस्ते हिरवा झेंडा दाखवत पुणे मेट्रोची पहिली मेट्रो धावली आहे.
पंतप्रधान नरेंद्र मोदी यांनी स्वतः गरवारे स्टेशन ते आनंदनगर असा प्रवास देखील पुणे मेट्रोतून केला आहे. त्यांनी मेट्रोचे तिकीट काढत आनंदनगर पर्यंत प्रवास केला.
