पुणे -महापालिकेच्या वतीने शनिवारवाडा परिसरात रस्त्याच्या कामासाठी खोदकाम सुरू असताना, पेशवेकालीन पाण्याचा हौद सापडला आहे. या हौदातून पाणी काढण्यासाठी पायऱ्यांची व्यवस्था असून, हौदात झऱ्यावाटे येणारे पाणी एकदम स्वच्छ असे आहे. सुमारे सव्वातीनशे वर्षांपूर्वीचे हे बांधकाम आहे.
शनिवारवाडा परिसरात सध्या मलनिस्सारण वाहिन्या टाकण्याचे काम सुरू आहे. त्यासाठी खोदकाम सुरू असताना काही फूट खोलीवर पाण्याचा झरा लागला, थोडे अजून खाणले असता घडीव दगडातील पायऱ्या आणि हौद आढळून आला. या हौदातून हा झरा वाहत असून, झऱ्याचे पाणी अतिशय स्वच्छ असे आहे.
शनिवारवाडा परिसरात सापडला पेशवेकालीन हौद