पुणे :- साडे तीन मूहूर्तांपैकी एक असणारा गुढीपाडव्याचा सण. हिंदू नवीन वर्षाच्या पहिल्याच दिवशी सोने खरेदी भरभराटीची मानली जाते. या कारणामुळे नागरिक गुढीवाडव्याला सोने खरेदी करणे पसंत करतात. मागील 2 वर्षांपासून कोरोनाच्या पार्श्वभूमीवर नागरिकांना सोनं खरेदी करता आलं नाही. कोरोनामुळे बाहेर पडण्यास तसेच सामाजिक कार्यक्रमांना बंधने आली होती. राज्य सरकारने कोरोनाचे निर्बंध हटवल्यानंतर 2 वर्षांनंतर गुढीपाडव्याच्या दिवशी बाजारात तेजी दिसून आली.
2 वर्षांनंतर बाजारात तेजी बाजारात गर्दी
दोन वर्षात कोरोनाच्या काळात एकही सण कोरोनाच्या काळात साजरा करता आला नव्हता. सध्या कोरोनाचा प्रादुर्भाव महाराष्ट्रात कमी आहे. त्यामुळे राज्य सरकारकडून लागू केलेली नियमावली मागे घेण्यात आली आहे. दोन वर्षानंतर गुढीपाडव्याचा सण अत्यंत उत्साहात साजरा केला जात आहे. पुण्यातील मुख्य बाजारपेठ असलेल्या लक्ष्मी रोडवर मोठ्या प्रमाणात नागरिकांनी खरेदीसाठी गर्दी केली आहे. मोठ्या संख्येने सकाळपासूनच नागरिक विविध वस्तू तसेच सोनं चांदीच्या खरेदीसाठी आले आहे.
सोनेखरेदीसाठी पुणेकरांची झुंबड 2 वर्षांनंतर नागरिक सोनं खरेदीसाठी रस्त्यावर गेले दोन वर्ष कोरोनाच्या नियमामुळे मनासारखी सोनेखरेदी करता आली नाही. मात्र, गुढीपाडव्याच्या मुहूर्तावर ग्राहकांना सोनं खरेदी करण्याची संधी मिळाली आहे. सोन्याच्या भावात काही प्रमाणात घट झाल्याने याचा ग्राहकांना दिलासा मिळाला आहे. पाडव्याच्या दिवशी सोन्याचा २४ कॅरेट सोन्याचा भाव 52 हजार रूपये प्रति तोळा आहे. तर 22 कॅरेट सोन्याचा भाव 49 हजार आहे. साडेतीन मुहूर्तांपैकी एक मुहूर्त असल्याने या मुहूर्तावर सोने खरेदी करण्याची प्रथा आहे. त्यामुळे नागरिक देखील आजच्या दिवशी मोठ्या प्रमाणात सोने चांदीची खरेदी करत आहे. सोनं खरेदीला आज महत्त्व पुण्यातील अमराळे ज्वेलर्समध्ये सकाळपासून खरेदीसाठी गर्दी झाली आहे. पारंपारिक सोन्याचे दागिने त पेशवाई कंठी हार, मंगळसूत्र, कानातले यासह विदेशी दागिने. अंगठ्या,आकर्षक हार,अश्या विविध दागिने दुकानात असून नागरिकांकडून विविध दागिने खरेदी केल्या जात आहे.
