अनोखा महिला दिन : महिलांनी नागफणी सुळका केला सर अन् तोही चक्क नऊवारी नेसून

जागतिक महिला दिनाच्या निमित्ताने आज लोणावळ्यामधील नागफणी सुळक्यावर नऊवारी साडी नेसून सुमारे 40 महिलांनी ट्रेकिंग आणि रॅपलिंग करून महिला दिन अनोख्या पद्धतीने साजरा केला. तीनशे फूट खोल नागफणी सुळका सर केल्यानंतर सुळक्यावरून रॅपलिंग करून खाली देखील उतरल्या.

पुणे - जागतिक महिला दिनाच्या निमित्ताने आज लोणावळ्यामधील नागफणी सुळक्यावर नऊवारी साडी नेसून सुमारे 40 महिलांनी ट्रेकिंग आणि रॅपलिंग करून महिला दिन अनोख्या पद्धतीने साजरा केला. तीनशे फूट खोल नागफणी सुळका सर केल्यानंतर सुळक्यावरून रॅपलिंग करून खाली देखील उतरल्या. चढाई आणि उतरण्यासाठी अतिशय अवघड असा हा सह्याद्री पर्वत रांगांच्या कुशीत वसलेला नागफणी सुळका आहे. या अवघड सुळक्याची चढाई आणि उतरून या महिलांनी अनोख्या पद्धतीने महिला दिन साजरा केला.

चढाईसाठी अत्यंत अवघड असलेला नागफणी सुळका केला सर -

नागफणी सुळका पार करणं हे तसं अवघड आहे. याठिकाणी अनेक ट्रेकर्स येत असतात. मात्र महिला दिनाचे औचित्य साधून इंडियन ट्रेकर्स या संस्थेने सुमारे चाळीस महिलांना काहीतरी वेगळं आयुष्यात करता यावं, यासाठी हे ट्रेकिंग आयोजित केले होते. चूल आणि मूल याच्या पलिकडे जाऊन महिलांनी आयुष्यात काहीतरी वेगळा अनुभव घ्यावा यासाठी दरवर्षी हा उपक्रम राबवला जातो. मात्र यावर्षी अवघड अशा नागफणी सुळक्यावरून रॅपलिंग करण्याचा थरार महिलांनी अनुभवला. सर्वच महिलांनी पहिल्यांदाच अशा प्रकारचा अनुभव घेतल्याने मोठा उत्साह होता.

हे ही वाचा -देवेंद्र फडणवीस यांच्या आरोपावर प्रतिक्रिया देण्यास वझेंचा नकार

महिलांनी घेतला थरारक अनुभव -

वर्षभर दुसऱ्यांच्या अपेक्षांची आणि कर्तव्याची ओझी उचलणारी महिला आज महिला दिनाच्या निमित्ताने का होईना. थरारक अनुभव घ्यायला उत्स्फूर्तपणे सहभागी झाल्या. रोजच्या दैनंदिन जीवनापेक्षा थरारक अनुभव घेऊन साजरा केलेला हा महिला दिन खऱ्या अर्थाने साजरा झाला आहे, असं म्हणावं लागेल.

हे ही वाचा - संपूर्ण टोळीसह कुख्यात गुंड नीलेश घायवळवर मोक्कांतर्गत कारवाई