पुणे - राष्ट्रीय संरक्षण प्रबोधिनीची 142 वी पासिंग आऊट परेड सोमवारी पुण्यात पार पडली. द्वितीय लेफ्टनंट अरुण खेतरपाल मैदानावर हा कार्यक्रम झाला. ( National Defence Academy ) दरम्यान, एअर चीफ मार्शल विवेक राम चौधरी यांनी परेडचा आढावा घेतला. अकादमीतील अंतिम क्षण क्वार्टर डेकच्या मार्चपास्टने चिन्हांकित केले गेले.
व्हिडीओ
काल हबीबुल्लाह सभागृहात राष्ट्रीय संरक्षण प्रबोधिनीच्या १४२ व्या अभ्यासक्रमाचा दीक्षांत समारंभ पार पडला. या कार्यक्रमासाठी नीती आयोगाचे मुख्य कार्यकारी अधिकारी अमिताभ कांत हे प्रमुख पाहुणे होते. यावेळी 234 कॅडेट्सना जेएनयूची पदवी प्रदान करण्यात आली. यामध्ये विज्ञान शाखेतील 41 कॅडेट, संगणक विज्ञान शाखेतील 106 कॅडेट आणि कला शाखेतील 68 कॅडेट्सचा समावेश आहे.