Pimpri-Chinchwad : महापौर माई ढोरेंनी साधला युक्रेन येथे अडकलेल्या विद्यार्थ्यांशी व्हिडिओ कॉल वरून संवाद

महापौर उषा उर्फ माई ढोरे ( Pimpri-Chinchwad mayor Mai Dhore ) यांनी व्हिडिओ कॉलद्वारे पिंपरी चिंचवड शहरातून शिक्षणासाठी युक्रेनमध्ये गेलेल्या विद्यार्थ्यांशी संवाद साधला. देशाचे पंतप्रधान नरेंद्र मोदी हे भारतीय विद्यार्थ्यांना भारतात आणण्यास कटिबद्ध आहेत. ते तुम्हाला लवकरच भारतात आणतील असा विश्वास त्यांनी विद्यार्थ्यांशी बोलताना व्यक्त केला.

पुणे -पिंपरी चिंचवड शहरातून शिक्षणासाठी युक्रेनमध्ये गेलेल्या विद्यार्थ्यांशी महापौर उषा उर्फ माई ढोरे ( BJP's Mai Dhore Pimpri-Chinchwad mayor ) यांनी व्हिडिओ कॉलद्वारे संवाद साधला आणि त्यांना मायदेशी सुखरूप आणण्याबाबत परराष्ट्र व्यवहार मंत्रालय कार्यालयाशी बोलणं झाल्याचं त्यांनी सांगितले.

शहरातील आदित्य काची, गायत्री पोरे आणि मृणाल पांडे हे विद्यार्थी युक्रेनमध्ये युद्धामुळे अडकून पडले आहेत. त्यांच्याशी महापौर ढोरे तसेच स्वीकृत नगरसदस्य अॅड. मोरेश्वर शेडगे यांनी संवाद साधून त्यांना धिर दिला. युक्रेन आणि रशिया यांच्यात तणावाच वातावरण असून युद्ध सुरू आहे. त्यात अनेकांचा बळी गेला आहे. याचा थेट फटका भारतीय विद्यार्थाना बसला आहे. हजारो विद्यार्थी सध्या युक्रेनमध्ये अडकलेले आहेत.

पिंपरी-चिंचवड शहरातील काही विद्यार्थ्यांशी महापौर उषा उर्फ माई ढोरे यांनी युक्रेन येथे अडकलेल्या विद्यार्थ्यांशी व्हिडिओ कॉलद्वारे संवाद साधला. देशाचे पंतप्रधान नरेंद्र मोदी हे भारतीय विद्यार्थ्यांना भारतात आणण्यास कटिबद्ध आहेत. ते तुम्हाला लवकरच भारतात आणतील असा विश्वास त्यांनी विद्यार्थ्यांशी बोलताना व्यक्त केला. दरम्यान, दोन दिवसांपूर्वी महापौर माई ढोरे यांनी सांगवितील गायत्री विजयकुमार पोरे आणि आदित्य लक्ष्मण काची या विद्यार्थ्यांशी संपर्क करून बोलल्या होत्या. तसेच त्यांच्या कुटुंबाची भेट घेऊन विचारपूस केली होती.

हेही वाचा -AP Three Capital : तीन राजधान्या आणि सीआरडीए रद्द करण्याचा आंद्र प्रदेश उच्च न्यायालयाचा निर्णय