पुणे - राज्यातील महाविद्यालयातील युवक-युवतींचे कोविड प्रतिबंधक लसीकरण करण्यासाठी मिशन युवा स्वास्थ्य राबविण्यात येणार आहे. 25 ऑक्टोबर ते 2 नोव्हेंबर 2021 या कालावधीत हे अभियान राबविण्यात येणार आहे. पुण्यात आयोजित पत्रकार परिषदेत उच्च आणि तंत्रशिक्षण मंत्री उदय सामंत बोलत होते.
25 ऑक्टोबर ते 2 नोव्हेंबर दरम्यान राज्यातील 40 लाख महाविद्यालयातील विद्यार्थ्यांचे लसीकरण - उदय सामंत
महाविद्यालयातच विद्यार्थ्यांना लसीकरण उदय सामंत म्हणाले, राज्यातील महाविद्यालये सुरू करण्यात आली आहेत. युवकांचे लसीकरण केले जावे. यासाठी सार्वजनिक आरोग्य विभाग, उच्च आणि तंत्रशिक्षण विभाग आणि वैद्यकीय शिक्षण विभाग यांच्या समन्वयाने हे अभियान राबविण्यात येत आहे. अभियानात महाविद्यालय परिसरातच विद्यार्थ्यांना लसीकरण करण्यात येईल. त्यासाठी आवश्यक असणारे लसीकरण कक्ष, विश्रांती कक्ष आणि निरीक्षण कक्ष उभारण्याची जबाबदारी महाविद्यालयांवर सोपवण्यात आली आहे.