पुणे - श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळच्यावतीने आज ४ फेब्रुवारी रोजी म्हणजेच माघ शुद्ध चतुर्थी यानिमित्ता गणेश जन्म सोहळ्याचे आयोजन केले होते. हा कार्यक्रम बुधवार पेठेतील दगडूशेठ गणपती मंदिरात आयोजित करण्यात आला. पहाटे ४ ते सकाळी ६ यावेळेत आळंदी येथील संत परंपरा असलेले प्रसिद्ध कीर्तनकार अवधूत गांधी यांनी श्रीं चरणी स्वराभिषेक अर्पण केले. यावेळी त्यांनी स्वराभिषेकातून हरिनामाचा गजर, अभंग, भजन, शाहिरी गण, डफया, गोंधळ, गवळण आणि भैरवी या विविध प्रकारची गीते सादर केली.
दगडूशेठ गणपतीला सकाळी स्वराभिषेक; जाणून घ्या माघी गणेश जयंतीचे महत्त्व