पुण्यात बिबट्याचा कुत्र्यावर हल्ला, थरार सीसीटीव्ही कैद

मानवी वस्तीत शिरलेल्या एका बिबट्याने पाळीव कुञ्यावर हल्ला चढवला आहे. पुण्याजवळील वडगाव शिंदे गावच्या वस्तीत येऊन त्याने हा हल्ला केला.

पुणे- भक्ष्याच्या शोधात मानवी वस्तीत शिरलेल्या बिबट्याला कोणीच नजरेस पडेना म्हणून त्याने चक्क पाळीव कुञ्यावरच हल्ला चढवला. अचानक नजरेस पडलेल्या कुञ्यावर तुटून पडत आपले अन्न मिळाल्यामुळे बिबट्याने तेथून तात्काळ पळ काढला. ह्या हल्ल्याचा थरार सीसीटीव्हीत कैद झाला आहे.

पुण्यापासून जवळच असलेल्या गावात 30 जुलैच्या रात्री हा प्रकार घडला. वडगाव शिंदे येथील खडके वस्तीत शिवाजी लक्ष्मण शिंदे यांच्या घराच्या गेटमध्ये असणाऱ्या पाळीव कुत्र्यावर बिबट्याने हल्ला करून त्याला पळवले. या परिसरात मागील काही दिवसांपासून बिबट्याने दहशत माजवली आहे. वनविभागाने या बिबट्याला पकडून त्याचा योग्य तो बंदोबस्त करावा अशी मागणी स्थानिकांकडून होत आहे.