पिंपरी चिंचवडमध्ये चारचाकी गाडी फुटपाथ तोडून शिरली दुकानात, घटना सीसीटीव्हीत कैद

देहूरोड येथे आज पहाटे ३ वाजण्याच्या सुमारास भरधाव वेगात असणाऱ्या मोटार सायकल चालकाचे नियंत्रण सुटल्यामुळे त्याची मोटार सायकल फुटपाथ तोडून थेट किराणा दुकानात शिरली.

पुणे -पिंपरी-चिंचवडमधील देहूरोड येथे भरधाव वेगात असणाऱ्या चारचाकी गाडीच्या चालकाचे नियंत्रण सुटले. त्यामुळे ही गाडी फुटपाथ तोडून थेट किराणा दुकानात शिरल्याची घटना आज पहाटे ३ वाजण्याच्या सुमारास घडली. ही सर्व घटना सीसीटीव्हीत कैद झाली आहे. याप्रकरणी देहूरोड पोलिसात अज्ञात वाहन चालकाविरोधात गुन्हा दाखल करण्यात आला आहे. घटनेत मोहम्मद सुपर मार्केट या दुकानाचे मोठे नुकसान झाले आहे.

देहूरोड मामुर्डी आंबेडकर रोडवर पहाटेच्या सुमारास भरधाव वेगात असणारी मोटार सायकल किराणा दुकानात घुसली. ही घटना पहाटेच्या सुमारास घडल्यामुळे जीवितहानी टळली. हा सर्व प्रकार सीसीटीव्हीत कैद झाला असून वाहनचालक फरार झाला आहे. गाडीचा वेग खूप असल्याने सुपर मार्केटचे लोखंडी गेट तुटले आहे. देहूराेड पोलीस सीसीटीव्हीच्या आधारे संबंधित वाहन चालकाचा शोध घेत आहेत.