School Reopening In Pune : पुण्यात आजपासून प्राथमिक शाळेला सुरवात...विद्यार्थ्यामध्ये उत्साह
पुणे शहरातील शाळा 15 डिसेंबरपर्यंत (Pune School strats from 15th Dec) सुरू न करण्याचा निर्णय पुणे महानगरपालिकेने (Pune Muncipal Corporation) घेतला होता. कोरोना नियमांचे पालन करत शाळेत विद्यार्थ्यांचे स्वागत करण्यात आले.
School Reopening In Pune
पुणे :-पुणे महापालिका हद्दीतील इयत्ता पहिली ते सातवी पर्यंतच्या शाळा (School Reopening IN Pune) आजपासून सुरू करण्यात आले आहे. राज्यातील शाळा 1 डिसेंबर पासून सुरू करण्याचा निर्णय राज्य सरकारने घेतला होता. मात्र, पुणे शहरातील स्थानिक प्रशासनाने याला विरोध दर्शवला होता आणि पुणे शहरातील शाळा 15 डिसेंबरपर्यंत (Pune School strats from 15th Dec) सुरू न करण्याचा निर्णय पुणे महानगरपालिकेने घेतला होता. आता महापालिकेने महापालिका हद्दीतील पहिली ते सातवीपर्यंतच्या शाळा सुरू करण्याचा निर्णय आजपासून घेतला आहे. पुण्यातील ज्ञानगंगा इंग्लिश मिडीयम शाळेत प्रशासनाने दिलेल्या नियमावलीच काटेकोरपणे पालन करून शाळेत विद्यार्थ्यांच स्वागत करण्यात आलं आहे.गेल्या 2 वर्षानंतर शाळेत पून्हा एकदा येताना या चिमुकल्यांच्या चेहऱ्यावर वेगळंच आनंद पाहायला मिळाला.
School Reopening In Pune
पुण्यात आजपासून शाळा सुरू करण्याचा निर्णय घेतल्यानंतर शासनाने दिलेल्या नियमावलीच पालन केले जात आहे. प्रत्येक येणाऱ्या विद्यार्थ्यांची थर्मामिटरने चेकिंग तसेच मास्क आणि सॅनिटायझेशन याचा वापर करूनच विद्यार्थ्यांना शाळेत वर्गात सोडण्यात आले आहे. वर्गात देखील एकाच बेंचवर एक विद्यार्थी बसविण्यात आलं आहे. विशेष म्हणजे ज्या पालकांनी शाळेला हमीपत्र दिल आहे. अशाच विद्यार्थ्यांना शाळेत प्रवेश दिला जात आहे. ज्या विद्यार्थ्यांनी हमीपत्र दिलेलं नाही अशांना विद्यार्थ्यांना ऑनलाईनच्या शिक्षण देणार आहे.अशी माहिती ज्ञानगंगा शाळेच्या मुख्यध्यापिका रेणुका दत्ता यांनी दिली आहे. अजूनही 40 टक्के पालकांनी हमी पत्र दिलेलं नाही.शाळा सुरू झाल्याने विद्यार्थ्यांना आनंद
गेली 2 वर्ष ऑनलाइनच्या माध्यमातून शिक्षण घेत असताना वर्गमित्र त्याच पद्धतीने मित्रांशी गाठीभेटी होत नव्हती.ऑनलाईन शाळा शिकत असताना डोळ्यांना त्रास होत होता. मात्र, आता प्रत्यक्षात शाळा सुरू झाल्याने एक वेगळाच आनंद आहे.मित्र मंडळी भेटतील त्याच पद्धतीने पालकांनी दिलेल्या सूचनांचा देखील आम्ही पालन करू असं देखील यावेळी विद्यार्थ्यांनी सांगितलं. त्याचबरोबर शाळेतील शिक्षक व शिक्षकेतर कर्मचाऱ्यांचे देखील दोन्ही लसीकरण करून घेण्यात आलेले आहे.
Last Updated : Dec 16, 2021, 4:24 PM IST