Pune Electricity Failure : पुण्यातील बहुतांशी भागातील बत्ती गुल

पुण्यातील काही भाग वगळता अन्य ठिकाणांची वीज गेली ( No Electricity Pune District ) आहे. धुक आणि दवं यामुळे ही वीज गेल्याची शक्यता वर्तवण्यात येत आहे. तीन ते चार तासांत वीज पुरवठा सुरळीत होण्याची शक्यता महावितरणने वर्तवली आहे.

पुणे :शहरातील कोथरुड, शिवाजीनगरचा काही भाग वगळता पुणे शहर, चाकण एमआयडीसी, लोणीकंद, वाघोली, पिंपरी आणि चिंचवड मधील वीज पुरवठा सकाळी 6 वाजेपासून खंडित झाला ( No Electricity Pune District ) आहे. हा वीज पुरवठा सुरुळीत होण्यासाठी तीन ते चार तासांचा कालावधी लागण्याची शक्यता आहे.

मिळालेल्या माहितीनुसार, महापारेषणच्या लोणीकंद व चाकण या दोन्ही महत्वाच्या ४०० केव्ही अतिउच्च दाबाच्या उपकेंद्रांना वीज पुरवठा करणाऱ्या टॉवर लाईनमध्ये ५ ठिकाणी बुधवारी दि. ९) पहाटे ४.३०च्या सुमारास बिघाड (ट्रीपिंग) झाला. दाट धुके व दवं यामुळे टॉवर लाईन मध्ये बिघाड झाल्याची शक्यता असल्याचे महापारेषणकडून सांगण्यात आले आहे. दोन ४०० केव्ही अतिउच्च दाब उपकेंद्र बंद असल्याने पर्यायी वीज पुरवठ्याची सोय उपलब्ध होऊ शकली नाही.

सर्व ठिकाणचा वीजपुरवठा सुरळीत होण्यास किमान तीन ते चार तासांचा कालावधी लागू शकतो. या कालावधीत वीज ग्राहकांनी सहकार्य करावे आम्ही लवकरात लवकर वीज पुरवठा सुरळीत करण्याचे प्रयत्न सुरु असल्याची माहिती महावितरणने दिली.

हेही वाचा -India Corona Update : देशात नवे कोरोना रुग्ण घटले, मात्र मृत्यूसंख्या 1000 पार