पुणे -कोरोना विषाणू संसर्गाच्या पार्श्वभूमीवर खबरदारीचा उपाय म्हणून शाळा महाविद्यालयांना सुट्टी देण्यात आली आहे. शहरातील मॉल, सिनेमागृहे, गार्डन बंद ठेवण्याचे आदेश शासनाच्या वतीने देण्यात आले आहेत. त्यामुळे आज रविवार असूनही शहरात अनेक ठिकाणी शुकशुकाट जाणवत आहे.
कोरोनाची धास्ती : पुण्यातील रस्त्यांवर शुकशुकाट...बागा..सिनेमागृहे बंद
एरवी रविवारी गर्दीने ओसंडून वाहणारी सारसबाग आणि पेशवे गार्डनच्या प्रवेशद्वाराला कुलूप आहे. सारसबागेतील गणपतीचे मंदिरही बंद ठेवण्यात आले आहे. शहरांतील सर्वच गार्डन अनिश्चित काळासाठी बंद ठेवण्यात आली आहेत.