पुणे -पंतप्रधान नरेंद्र मोदी (PM Narendra Modi Speech) यांनी लोकसभेत केलेल्या वक्तव्यावरून काँग्रेस आता अधिकच आक्रमक झाली आहे. पंतप्रधान नरेंद्र मोदी हे संसदेत खोट बोलत असल्याचा आरोप करत राज्यभरातील काँग्रेसचे कार्यकर्ते हे ( Congress Protest in Pune ) रस्त्यावर उतरताना दिसत आहेत. पुण्यातही मोदींच्या विरोधात काँग्रेसेने भाजप कार्यालयासमोर आंदोलन केलेलं पाहायला मिळालं.
नमस्ते ट्रंप कार्यक्रम
या आंदोलनादरम्यान काँग्रेस कार्यकर्त्यांनी नरेंद्र मोदी यांनी माफी मागावी अशी मागणी केली. कोरोना काँग्रेसमुळे नाही तर पंतप्रधानांनी आयोजित केलेल्या नमस्ते ट्रंप या कार्यक्रमामुळे देशभर पसरल्याचा आरोप केला आहे. मोदी यांनी महाराष्ट्राची बदनामी केली त्यासाठी माफीची मागणी या आंदोलनकर्त्यांनी केली आहे.
काँग्रेस विरोधात भाजपही रस्त्यावर
एकीकडे काँग्रेस आंदोलन करत असतानाच भारतीय जनता पार्टीच्या कार्यकर्त्यांनी देखील आंदोलन करत काँगेसच्या या आंदोलनाला प्रतिउत्तर दिलं आहे. तुम्ही मोदींना माफी मागायला सांगत आहेत. काँग्रेसला लाज वाटली पाहिजे अशा शब्दात भाजप कार्यकर्त्यांनी काँग्रेसला उत्तर दिलं आहे. काँग्रेसने ७० वर्षांत अनेक घोटाळे केले. त्यावेळी त्यांना लाज वाटली नाही का आणि नरेंद्र मोदी जे बोलतात ते पुराव्यानिशी बोलतात असे सांगत पंतप्रधानाच्या त्या वक्तव्याच समर्थन भाजप कार्यकर्त्यांनी केलं आहे.
हेही वाचा -मराठवाडा आणि पश्चिम महाराष्ट्राला जोडणाऱ्या पुलासाठी नागरिक आक्रमक ; आंदोलकांचा पुलावर चढून जलसमाधीचा पवित्रा
