पुणे- काँग्रेसचे शहराध्यक्ष तसेच माजी आमदार रमेश बागवे यांना पुणे कॅन्टोन्मेंट मतदारसंघातून पक्षाने उमेदवारी जाहीर केली आहे. यंदाच्या विधानसभा निवडणुकीसाठी राज्य काँग्रेसची पहिली यादी जाहीर करण्यात आली. यामध्ये रमेश बागवे यांच्या नावाचा समावेश आहे.
काँग्रेसकडून पुणे कॅन्टोन्मेंटमध्ये रमेश बागवेंना पुन्हा संधी देण्यात आली आहे.
शहरातील कसबा पेठ व शिवाजीनगर मतदारसंघ काँग्रेसला सोडण्यात येणार असल्याचे माजी उपमुख्यमंत्री अजित पवार यांनी काही दिवसांपूर्वीच स्पष्ट केले होते. मात्र, या 2 मतदारसंघातील उमेदवार जाहीर न झाल्याने इच्छुकांमध्ये धाकधूक वाढली आहे. कसबा पेठ मतदारसंघातून काँग्रेसचे गटनेते अरविंद शिंदे, नगरसेवक रविंद्र धंगेकर यांनी दावेदारी सांगितली आहे. तर, शिवाजीनगर मतदारसंघात माजी आमदार दीप्ती चौधरी, माजी नगरसेवक दत्ता बहिरट इच्छुक आहेत.