बारामती (पुणे) : बारामती शहरातील बुरुडगल्ली नजीक परिसरात एका सोळा वर्षीय तरुणावर धारदार शस्त्राने वार करुन त्यास विहिरीत टाकून दिल्याची धक्कादायक घटना घडली. सदर प्रकरणी बारामती शहर पोलीस ठाण्यात गुन्हा दाखल करण्यात आला आहे. कैफ सलीम कुरेशी (१६) असे जखमी तरुणाचे नाव आहे.
कैफ याच्या मानेवर, गालावर धारदार शस्त्राने वार करण्यात आले. यानंतर त्याला मुंजोबा जवळील विहिरीत टाकून दिले होते. स्थानिक नागरिकांनी त्याला वेळीच विहिरीबाहेर काढत रुग्णालयात दाखल केले, त्यामुळे त्याचे प्राण वाचले. याप्रकरणी कैफचे वडील सलीम मुनिर कुरेशी यांनी फिर्याद दिली असून पोलिसांनी एकास अटक केली आहे.