पुणे - पार्थ पवार यांनी केलेल्या ट्विटसंदर्भात अजित पवार यांनी आज मौन सोडले आहे. पुणे स्टेशनवर महात्मा गांधी यांच्या पुतळ्याला अभिवादन करण्यासाठी दादा सकाळीच शहरात दाखल झाले. या कार्यक्रमानंतर त्यांनी पत्रकारांशी संवाद साधला. पार्थ पवार यांनी कालच मराठा आरक्षणासाठी सर्वोच्च न्यायालयाचा दरवाजा ठोठवण्याचे संकेत दिले होते. याबाबत त्यांनी सलग तीन ट्विट करत आपली बाजू मांडली होती. यावर बोलताना 'मुलगा काय ट्विट करतो हे मी पाहत नसतो, मला तेवढेच उद्योग नाहीत,' असे अजित पवार म्हणाले. राज्याच्या विविध जबाबदाऱ्या मला बघायच्या असतात, असे सांगून त्यांनी या प्रश्नाला पूर्णविराम लावण्याचा प्रयत्न केला.
'मुलगा काय ट्विट करतो हे मी पाहत नसतो...मला तेवढेच उद्योग नाहीत!