पुणे- गुप्तवार्ता विभागाच्या माजी आयुक्त रश्मी शुक्ला यांचा पोलीस बदल्यांतील भ्रष्टाचाराबाबतचा अहवाल फोडल्याप्रकरणी विधानसभेतील विरोधी पक्षनेते देवेंद्र फडणवीस यांचा जबाब पोलीस आज नोंदविणार आहेत. याच्या निषेधार्थ आज भारतीय जनता पक्ष राज्यभर आंदोलन करणार आहे. यावर उपमुख्यमंत्री अजित पवार यांना विचारले असता ते म्हणाले की प्रत्येकाला आंदोलन करण्याचा अधिकार आहे. कृपया आरोप प्रत्यारोप बंद करा. सर्वांनी मिळून हे बंद करायला हवं आणि विकासाला महत्व दिलं पाहिजे. त्यातून राज्याचा आणि देशाचा सर्वांगीण विकास करायला हवा, असेही यावेळी पवार म्हणाले. सुसगाव येथील नाला व रस्ता रुंदीकरणाच्या कामांची पाहणी उपमुख्यमंत्री अजित पवार यांनी केली. यानंतर ते पत्रकारांशी बोलत होते.
आरोप प्रत्यारोप बंद करा, सर्वांनी मिळून विकासाला महत्व दिलं पाहिजे