मुंबई -शहरातील कांदिवली परिसरात 3 वर्षीय एक मुलगी अचानक बेपत्ता झाल्याने खळबळ उडाली होती. मात्र मुंबई पोलिसांनी सीसीटीव्ही फुटेजच्या माध्यतातून तपास करून अवघ्या पाच तासांत तिचा शोध घेतला आहे.
डीसीपी विशाल ठाकूर यांची प्रतिक्रिया
3 वर्षीय मुलगी बेपत्ता -
पोलिसांनी दिलेल्या माहितीनुसार. कांदिवलीच्या लालजीपाडा भागातून 3 वर्षीय मुलगी शुक्रवारी सकाळी 11 वाजता घराजवळून अचानक बेपत्ता झाली होती. त्यानंतर मुलीच्या कुटुंबीयांनी थेट कांदिवली पोलीस ठाणे गाठून मुलगी बेपत्ता झाल्याची तक्रार दिली. येथील मुंबई पोलिसांनी निर्भया पथक, पाळत ठेवणारे पथक आणि मुंबई पोलिसांनी स्थापन केलेल्या स्थानिक पथकाच्या मदतीने शोध कार्य सुरू केले.