पुणे - शहरात गुरुवारी(11 मार्च) दिवसभरात एकूण 1504 कोरोना बाधित रुग्णांची वाढ झाली आहे. त्यामुळे पुण्याची परिस्थिती पुन्हा बिघडत असल्याची चिन्ह आहेत. बुधवारी देखील पुणे शहरात 1352 नवे रुग्ण आढळले होते. हा आकडा पाहता शहरात एक दिवसात दीडशे नव्या रुग्णांची अधिकची वाढ होत आहे. त्यामुळे प्रशासनाकडून अधिक सतर्कता बाळगून खबरारी घेण्यात येत आहे.
गुरुवारी दिवसभरात 675 रुग्णांना डिस्चार्ज देण्यात आला आहे, तर गुरुवारी 13 रुग्णांचा मृत्यू झाला असून त्यापैकी 6 रुग्ण पुण्याबाहेरील आहेत. सध्या 357 कोरोनाबाधित रुग्ण गंभीर अवस्थेत असून त्यांच्यावर उपचार सुरू आहेत.