पणजी - मांडवी नदीतील तरंगत्या कँसिनोंच्या कार्यालयांनी पणजीतील काही पदपथावर अतिक्रमण केले होते. ते हटविताना झालेल्या बाचाबाचीत एका महिलेने तिच्यावर विनयभंग केल्याची तक्रार पणजी पोलिसांत शुक्रवारी रात्री उशिरा दाखल केली. या तक्रारीत पणजीचे नवनिर्वाचित आमदार बाबूश मोन्सेरात, महापौर उदय मडकईकर आणि माजी महापौर यतीन पारेख यांची नावे आहे. या तिघांवर पोलिसांनी गुन्हा दाखल केला आहे.
पणजीच्या नवनिर्वाचित आमदारांसह तिघांवर विनयभंगाचा गुन्हा - Babush Moncerat
पणजीच्या नवनिर्वाचित आमदारांसह तिघांवर एका महिलेने विनयभंगाचा गुन्हा दाखल केला आहे.
बाबूश मोन्सेरात
पणजी महापालिकेतर्फे गुरुवारी संध्याकाळी साडेपाचच्या सुमारास जुन्या सचिवालयाजवळ एका कँसिनोने पदपथावर अतिक्रमण केले होते, ते हटविण्यासाठी कारवाई करण्यास सुरुवात केली होती. त्यावेळी एक महिला कँसिनोंच्या व्यवस्थापनाच्यावतीने जाब विचारण्यासाठी पुढे आली. तेथे आमदार मोन्सेरात, महापौर मडकईकरष पारेख आणि काही नगरसेवक उपस्थित होते. तेव्हा त्यांनी अश्लील शब्द वापरून आणि हातवारे करत आपला अपमान केला. तसेच जीवे मारण्याची धमकी दिल्याचे तक्रारीत म्हटले आहे.
दरम्यान, मुख्यमंत्री डॉ. प्रमोद सावंत यांनी आपण घटनेची माहिती घेत असून दोषींवर कारवाई करण्याचे संकेत दिले आहेत.