गोवा -गोवा विधानसभा निवडणुकीचे राजकारण ( Goa Assembly Election 2022 ) तापले आहे. गोव्याचे माजी मुख्यमंत्री मनोहर पर्रीकर ( Former Cm Manohar Parrikar ) यांचे पुत्र उत्पल पर्रीकर ( Utpal Parrikar On Goa Eletion ) यांचे तिकीट भाजपाने कापले आहे. त्यामुळे उत्पल पर्रीकर यांनी भाजपाला रामराम ठोकत अपक्ष लढण्याची घोषणा केली ( Utpal Parrikar Independent Candidate ) आहे. त्यातच आज देशाचे गृहमंत्री अमित शाह गोवा दौऱ्यावर येणार ( Amil Shah Goa Tour ) आहेत. ते उत्पल पर्रीकर यांची मनधारणी करतात का? याकडे सर्वांचे लक्ष लागले आहे.
अमित शाह एकदिवसीय गोवा दौऱ्यावर ( Amit Shah In Goa ) आहेत. ते दोन जाहीर सभांसह तीन ठिकाणी प्रचारात सहभाग घेतील. त्यांच्या वास्कोतील सभांचे डिजीटल माध्यमातून थेट प्रक्षेपण केले जाणार आहे. शाह यांच्या गोवा दौऱ्यानिमित्त कोरोना नियमाचे पालन करुन निवडक कार्यकर्त्यांची उपस्थिती असेल. यानिमित्ताने राज्यांतील विविध भागात स्क्रीन उभारून सभागृह, खुल्या मैदानांत त्यांच्या सभांचे थेट प्रक्षेपण केले जाणार आहे.