Congress Goa Election Campaign 2022 : गोव्यात प्रचाराची रणधुमाळी; जाहिरातबाजीत काँग्रेस आघाडीवर

गोव्यात विधानसभा निवडणूक ( Goa Assembly Election 2022 ) प्रचार आता रंगात आलाय. राज्य व देशातील अनेक नेते गोव्यात दाखल झाले आहेत. काँग्रेसने समाजमाध्यमे आणि वृत्तपत्राच्या माध्यमातून आपली जोरदार जाहिरातबाजी सुरू केली आहे.

पणजी (गोवा) - गोव्यात विधानसभा निवडणूक ( Goa Assembly Election 2022 ) प्रचार आता रंगात आलाय. राज्य व देशातील अनेक नेते गोव्यात दाखल झाले आहेत. काँग्रेसचे ज्येष्ठ नेते पृथ्वीराज चव्हाण गोव्यात दाखल झाले ( Prithviraj Chavan in Goa ) असून त्यांनी पक्षाच्या उमेदवारांसाठी प्रचार केला. काँग्रेसने समाजमाध्यमे आणि वृत्तपत्राच्या माध्यमातून आपली जोरदार जाहिरातबाजी सुरू केली आहे. ( Congress tops in Goa Assebmly Election camapign ) जाहिरातीत काँग्रेस नेत्या प्रियंका गांधी आणि राहुल गांधी यांना मध्यवर्ती ठिकाणी स्थान देऊन प्रत्येक मुद्द्याला पद्धतशीरपणे मांडून गोव्यातील सर्व ज्वलंत विषयांना वाचा फोडण्यात आली आहे.

काँग्रेसच्या आक्रमक प्रचाराने भाजपसह इतर पक्ष बॅकफूटवर -

काँग्रेसने यंदा आक्रमक पवित्रा घेत पद्धतशीर पद्धतीने प्रचार यंत्रणा राबविण्यास सुरुवात केली आहे. टीव्ही, समाजमाध्यमे, वर्तमानपत्रे, रेडिओ आणि विशेषतः गाण्याच्या माध्यमातून भाजप सरकारच्या समस्यांवर काँग्रेस भाष्य करत असल्यामुळे एक प्रकारे काँग्रेसने प्रचारात आघाडी घेतल्याचे चित्र दिसून येत आहे.

काँग्रेसची न्याय योजना -

गोवा राज्यासाठी नवीन 'न्याय योजना' सुरू करण्यात येणार आहे. ( 'Nyay Scheme' will be launched Goa ) या योजनेच्या माध्यमातून राज्यातील गरिबांना महिन्याला 6 हजार रुपये देण्यात येणार आहे. याप्रमाणे वर्षाला 72 हजार रुपये त्यांच्या खात्यात आपोआप जमा होणार आहेत, असे आश्वासन काँग्रेस नेते राहुल गांधी ( Gongress leader Rahul Gandhi ) यांनी दिले आहे.

गाण्यांमधून भाजप सरकरवर टोमणे -

काँग्रेसकडून 'सरकार हाडून गोय सांभाळूया' या गाण्यावर गावागावात, शहर वस्त्यांवर पथनाट्याच्या माध्यमातून जनजागृती केली जात आहे. या गाण्याच्या माध्यमातून भ्रष्टाचार, म्हादाई प्रश्न, कोविड काळात लोकांना झालेला त्रास, वाढलेली इंधन दरवाढ यांच्यावर भाष्य करून काँग्रेस जनमानसात भाजपच्या 10 वर्षतील कारकिर्दीचा नकारात्मक पाढा वाचत आहे.

हेही वाचा -Goa Assembly Election 2022 : 'संजय राऊत तुम्ही आपल्या पक्षाच्या स्थितीकडे बघा, दुसऱ्या पक्षाकडे लक्ष देऊ नये'