पणजी :गोवा निवडणुकीत अतिशय प्रतिष्ठेचा मतदार संघ म्हणून पणजी मतदार संघाकडे पाहिल्या जाते, माजी मुख्यमंत्री मनोहर पर्रिकरांचा हा मतदार संघ. त्यांचे पुत्र उत्पल यांना डावलुन भाजपने या मतदारसंघात बाबुश उर्फ अटानासिओ मोन्सेरात (Babylon- Atanasio Monserrat) यांना उमेदवारी दिली होती. ते त्या मतदार संघातून निवडणून ही आले आहेत. आज मुख्यमंत्री पदाचा शपथविधी सोहळा झाला. डॉ. प्रमोद सावंत यांनी पुन्हा मुख्यमंत्री पदाची शपथ घेतली. तर यावेळी बाबुश मोन्सेरात यांनीही मंत्री पदाची शपथ ( Babush Monserrat sworn in as Minister of Goa ) घेतली आहे. जाणून घेऊया त्यांच्याबद्दल...
अटानासिओ मोन्सेरात, यांना “बाबुश” (Babylon- Atanasio Monserrat) म्हणूनही ओळखले जाते, ते गोव्यातील राजकारणी असून गोवा विधानसभेचे (Goa Assembly) तीन टर्म सदस्य आहेत. पणजीतून त्यांनी उत्पल पर्रीकर यांना हारवून ते विजयी झाले होते. त्तपुर्वी ते तळेगावचे ते आमदार होते. तळेगावच्या आमदार जेनिफर यांच्याशी त्यांचा विवाह झालेला आहे. उल्लेखनीय म्हणजे, जुलै 2019 मध्ये भारतीय जनता पक्षात सामील झालेल्या राष्ट्रीय काँग्रेसच्या दहा सदस्यांपैकी ते एक होते.
मोन्सेरात यांनी 2002 मध्ये पहिली निवडणूक युनायटेड गोअन्स डेमोक्रॅटिक पार्टीच्या तिकिटावर तळेगाव मतदारसंघातून लढवली. त्यांचे विरोधक सोमनाथ दत्ता जुवारकर हे काँग्रेसचे दोनवेळा विधानसभेचे सदस्य होते. मोन्सेररेट यांनी झुवारकर यांचा सुमारे दोन हजार मतांनी पराभव केला आणि ते पहिल्यांदाच गोवा विधानसभेवर निवडून आले. मनोहर पर्रीकर यांच्या नेतृत्वाखालील सरकारमध्ये ते नगर आणि नियोजन मंत्री झाले. 2005 मध्ये, त्यांच्यासह इतर दोन मंत्र्यांनी मनोहर पर्रीकर यांच्या नेतृत्वाखालील सरकारचा राजीनामा दिला आणि सरकार अल्पमतात आले आणि अशा प्रकारे गोव्यातील भारतीय जनता पक्षाचे सरकार त्यांनी पाडले होते.