नाशिक -माझे पती किशोर वाघ यांच्यावर गुन्हा दाखल झाल्यानंतर शरद पवार यांनी मला बोलावून घेतले होते, यात तुझ्या पतीचा काही दोष नाही असे म्हटले होते. आज मला शरद पवार यांची खूप आठवण येत आहे. होय शरद पवार माझे बापच आहेत, अशी प्रतिक्रिया भाजप नेत्या चित्रा वाघ यांनी दिली आहे. पती किशोर वाघ यांच्यावर एसीबीने गुन्हा दाखल केल्यानंतर त्या नाशिकमध्ये आयोजित पत्रकार परिषदेमध्ये बोलत होत्या.
राज्य सरकारने माझा आवाज दाबण्यासाठी माझे पती किशोर वाघ यांच्यावर गुन्हा दाखल केला आहे. मी याविरोधात न्यायालयीन लढा देईन, मात्र जोपर्यंत पूजा चव्हाण प्रकरणात संजय राठोड यांच्यावर गुन्हा दाखल होत नाही, तोपर्यंत शांत बसणार नसल्याचेही त्या यावेळी म्हणाल्या आहेत.
भाजप नेत्या चित्रा वाघ यांची पत्रकार परिषद
लाच प्रकरणाशी पतीचा संबंध नाही