नाशिक - जागतिक योगा दिनानिमित्त केंद्रीय गृहमंत्री ( Home Minister ) अमित शहा ( Amit Shah ) हे नाशिक ( Nasik ) जिल्हा दौऱ्यावर येत आहेत. त्र्यंबकेश्‍वर ( Trimbakeshwar ) येथील गुरूपीठ परिसरात गृहमंत्री अमित शहा हे योगा दिनानिमित्त ( Yoga day ) आयोजित कार्यक्रमास उपस्थित राहणार आहेत. या निमित्त केंद्रीय आरोग्य राज्यमंत्री डॉ. भारती पवार ( Bharti Pawar ) यांनी जिल्हाधिकारी कार्यालयात अधिकाऱ्यांकडून तयारीचा आढावा घेत आवश्‍यक त्या सूचना दिल्या.
21 जूनला योगा दिन -जागतिक योगा दिनाच्यानिमित्ताने देशातील 75 निवडक ठिकाणी मंत्र्यांच्या उपस्थितीत हा दिन साजरा केला जाणार आहे. त्याअनुषंगाने गृहमंत्री अमित शाह हे 21 जूनला नाशिक जिल्हा दौऱ्यावर येणार आहे. त्र्यंबकेश्‍वर येथील गुरूपीठ परिसरात गृहमंत्री अमित शहा हे योगा दिनानिमित्त आयोजित कार्यक्रमास उपस्थित राहणार आहेत. यानिमित्त केंद्रीय राखीव पोलिस दलाकडून सुरक्षिततेचा आढावा घेण्यात आला. सुरक्षिततेच्या दृष्टिकोनातून याठिकाणी काय उपाययोजना करण्यात येत आहे, याची माहिती डॉ. पवार यांनी घेतली.