नाशिक -पंचवटीतील तारवाला नगर येथील सिग्नलवर आज सकाळी सव्वा सहाच्या सुमारास ट्रक व बसचा अपघात झाला. सुदैवाने यात कुठलीही जीवितहानी झाली नाही. या अपघाताची सर्व दृश्ये सीसीटीव्ही कॅमेरात कैद झाली असून अपघातात रस्त्यावरुन जाणारा दुचाकीस्वार थोडक्यात बचावला आहे.
नाशिकमधील ट्रक-सिटी बसच्या अपघाताची दृश्ये सकाळी सहा ते सव्वासहा वाजण्याच्या सुमारास निमाणीहून दिंडोरी रोडमार्गे म्हसरुळकडे एक सिटी बस (एमएच-१५, एके ८०९३) जात होती. मात्र, शरदचंद्रजी मार्केट यार्डकडून भरधाव वेगाने येणाऱ्या ट्रकने (एमएच-४५,टी-६६६७) तारवाला नगर सिग्नलवर या बसला धडक दिली. या अपघातात बस व ट्रकचे नुकसान झाले आहे. बसमध्ये प्रवाशी नसल्याने जीवितहानी झालेली नाही.
