नाशिक - फळभाज्यांसाठी लागणारे प्लास्टिकचे कॅरेट बनविणाऱ्या व्यापाऱ्याने ( Suicide of a businessman ) लायसन्स असलेल्या बंदुकीतून डाेक्यात गाेळी झाडून आत्महत्या ( Suicide by firing a gun ) केल्याची धक्कादायक घटना शनिवारी दुपारी आडगाव परिसरात घडली आहे. आजारपणाला त्रस्त असल्याने टोकाचे पाऊल उचलल्याचा प्राथमिक अंदाज आहे. रोशन ओमप्रकाश गोयल ( Roshan Omprakash Goyal ) ( वय ६० ) रा. पार्कसाइड हाेम, हनुमान नगर, आडगाव असे या मृत व्यापाऱ्याचे नाव आहे. मद्याच्या नशेत त्यांनी स्वत:वर बंदुकीतून गोळी झाडून घेतल्याचे प्राथमिक तपासातून निष्पन्न झाले आहे.
बंदुकीतून डोक्यावर गोळी झाडून घेतली -शनिवारी दुपारी चार वाजेच्या सुमारास ही घटना घडली. आजारपणाला त्रस्त असल्याने त्यांनी हे टोकाचे पाऊल उचलल्याचा प्राथमिक अंदाज आडगाव पोलिसांनी व्यक्त करुन आकस्मिक मृत्यूची नाेंद केली आहे. आडगाव पोलिसांच्या हद्दीतील पार्कसाइड होम येथील एका इमारतीच्या दुसऱ्या मजल्यावर गोयल कुटुंबीय राहतात. रोशन गोयल यांचा दिंडाेरीतील जानोरी येथे कॅरेट बनविण्याचा व्यवसाय होता. काही महिन्यांपासून ते काहीतरी आजाराने त्रस्त होते. शनिवारी दुपारी त्यांनी स्वत:ला खोलीत बंद करुन घेतले. मद्यप्राशन केले असताना नशेतच त्यांनी स्वत:च्या परवानाधारक बंदुकीतून डोक्यावर गोळी झाडून घेतली. यावेळी मोठ्याने झालेल्या आवाजाने त्यांची पत्नी खोलीच्या दिशेने आली. दरवाजा उघडत नसल्याने शेजारच्यांना बोलविण्यात आले. दरवाजा तोडल्यावर गोयल यांनी आत्महत्या केल्याचे उघड झाल्याचे वरिष्ठ पोलिस निरीक्षक इरफान शेख यांनी सांगितले आहे.