नाशिक : शिवसेनेचे बारा खासदार शिंदे गटात सामील ( Shiv Sena as Twelve MP in Shinde Group ) झाल्याने शिवसेनेला हा मोठा धक्का होता. दरम्यान या सर्व राजकीय घडामोडीनंतर प्रथमच नाशिकचे खासदार हेमंत गोडसे ( MP Hemant Godse ) हे 22 ता तारखेला नाशिकमध्ये दाखल झाले. त्यावेळी कार्यकर्त्यांनी त्यांचे उत्स्फूर्त स्वागत केले. त्यावेळी घेतलेल्या मेळाव्यात त्यांनी शिवसेना नेते संजय राऊतांवर कठोर शब्दांत टीका ( Hemant Godse Criticizes On Sanjay Raut ) केली. मेळाव्यात बोलताना त्यांनी विकासकामांकरिता कार्यकर्त्यांना आवाहन केले.
संजय राऊतांवर टीका : नाशिकमध्ये घेतलेल्या मेळाव्यात खासदार हेमंत गोडसे यांनी कार्यकर्त्यांना संबोधित करताना संजय राऊत यांच्यावर टीका केली. ते म्हणाले की, संजय राऊत हे रोज सकाळी उठातात, टीव्हीसमोर येऊन बडबड करीत असतात. तसेच, खासदार संजय राऊतांमुळे राज्यातील जनमानसात शिवसेना पक्षाची प्रतिमा मलिन झाली. त्यामुळे एखाद्या टोपलीतील सडका कांदा बाजूला ठेवावा त्याप्रमाणे राऊत यांना आवर घालणे गरजेचे असल्याचा घणाघाती आरोप खासदार हेमंत गोडसे यांनी केला. खासदार हेमंत गोडसे शिंदे गटात सामील झाल्यानंतर आज गोडसे दिल्लीतून नाशकात दाखल होताच कार्यकर्त्यांनी त्यांचे उत्स्फूर्त स्वागत केले. त्यानंतर झालेल्या कार्यकर्त्या मेळाव्यात गोडसे यांनी राऊत यांच्यावर टीकास्त्र सोडले.