मराठा मूक आंदोलनाची तयारी अंतिम टप्प्यात; नाशकात सोमवारी लोकप्रतिनिधी बोलणार

मराठा समाजाला आरक्षण मिळावे म्हणून कोल्हापूरनंतर नाशिक मध्ये मूक आंदोलन करण्यात येणार आहे. छत्रपती संभाजीराजे यांच्या नेतृत्वाखाली हे आंदोलन पार पडणार असून नाशिकच्या रावसाहेब थोरात मैदानावर या आंदोलनासाठी ची तयारी करण्यात येत आहे.

नाशिक - मराठा आरक्षणप्रश्नी सुरू असलेले आंदोलन अधिक तीव्र होऊ लागले आहे. कोल्हापूरमधून सुरू झालेले मूक आंदोलनाचा एक टप्पा नाशिकमध्येही होत आहे. 21 जूनला नाशिकमध्ये होणाऱ्या मूक आंदोलनाची तयारी अंतिम टप्प्यात पोहोचली आहे. या आंदोलनासाठी जिल्ह्यातील सर्व लोकप्रतिनिधींना आमंत्रित करण्यात आले आहे. खासदार संभाजीराजे छत्रपती यांच्या उपस्थितीत हे मूक आंदोलन होणार आहे. या आंदोलनात मराठा कार्यकर्ते काळे कपडे परिधान करून सरकारचा निषेध नोंदवणार आहेत.

मराठा मूक आंदोलनाची तयारी अंतिम टप्प्यात

मराठा आरक्षणचा मुद्दा सद्या चांगलाच पेटला आहे.आरक्षण मिळालच पाहिजे ही मागणी जोर धरू लागली आहे. कोल्हापूरमध्ये झालेल्या मूक आंदोलनानंतर सोमवारी 21जून रोजी नाशिकमध्येही छत्रपती संभाजी राजेंच्या उपस्थितीत मूक आंदोलन होणार आहे. के. टी.एच.एम महाविद्यालयाच्या प्रांगणात हे मूक आंदोलन होणार आहे. इतके दिवस उलटूनही आरक्षणाचे घोंगडे भिजत का पडल आहे. आरक्षण का दिले जात नाही, आरक्षण आमच्या हक्काचे आहे आणि आरक्षण मिळालच पाहिजे, अशी मराठा संघटनांकडून मागणी होत आहे. सोमवारी होणाऱ्या मूक आंदोलनात सकल मराठा समाजाने शांततेत सहभागी होण्याच आवाहन समन्वयाकांकडून करण्यात आले आहे.

लोकप्रतिनिधी आरक्षणाविषयी काय भूमिका स्पष्ट करणार याकडे सर्वांचे लक्ष-

या आंदोलनात सहभागी होण्यासाठी नाशिकमधील सर्व लोकप्रतिनिधी आमदार आणि खासदारांना आमंत्रित देखील करण्यात आले असल्याचा मराठा क्रांती मोर्चाचा राज्य समन्वयकांकडून सांगण्यात आले आहे. 'आम्ही बोललो, समाज बोलला, आता लोकप्रतिनिधींना तुम्ही बोला' या घोषवाक्य खाली हे आंदोलन पार पडणार असून यासाठी संपूर्ण राज्यभरातून मराठा समाज बांधव नाशिकमध्ये दाखल होण्याची शक्यता वर्तवली जात आहे. यामुळे नाशिकमधील लोकप्रतिनिधी आरक्षणाविषयी काय भूमिका स्पष्ट करणार याकडे सर्वांचे लक्ष लागले आहे.