नाशिक- उघड्यावरील विद्युत डीपीतील विद्युत प्रवाहाचा धक्का लागून आठ वर्षाच्या मुलाचा मृत्यू ( Eight year old boy dies ) झाला आहे. अरमान मुन्ना अन्सारी असे मृत्यू झालेल्या मुलाचे नाव आहे. नाशिक-पुणे रोडवरील हॅप्पी होम कॉलनीत ही घटना ( kid death due to DP in Nashik ) घडली आहे. या घटनेने शहरातील उघड्यावरील विद्युत डीपींचा प्रश्न पुन्हा ऐरणीवर आला आहे.
मिळालेल्या माहितीनुसार नाशिक-पुणे रोडवरील हॅप्पी होम कॉलनी परिसरात अरमान मुन्ना अन्सारी हा आठ वर्षाचा मुलगा रविवारी 26 जून रोजी खेळत होता. अशातच विद्युत विभागाकडून लावण्यात आलेल्या उघड्यावरील विद्युत डीपीतीच्या ( electric shock of DP ) वायरचा त्याला धक्का लागल्याने अरमान गंभीर जखमी झाला. त्याला तातडीने रुग्णालयात दाखल केले. मात्र, उपचारादरम्यान अरमानचा मृत्यू झाला. या घटनेने नाशिक परिसरात हळहळ व्यक्त होत आहे. या घटनेनंतर दोषींवर कारवाई करण्याची मागणी स्थानिक नागरिकांकडून होत आहे. विद्युत डीपींना भिंत बांधावी अशी मागणी होत आहे.
हेही वाचा-Assembly Speaker Election : जर आमदारांनी 'व्हीप'नुसार मतदान नाही केलं तर?, असीम सरोदे म्हणतात...