नाशिकमध्ये गॅस गळतीमुळे सिलिंडरचा स्फोट, एकाच घरातील सहाजण गंभीर जखमी

पंचवटीतील परिसरातील कुमावतनगर येथे शुक्रवारी सातच्या सुमारास गॅस गळती होऊन सिलिंडरचा स्फोट झाल्याची घटना घडली आहे. या स्फोटात एकाच घरातील सहा व्यक्ती गंभीर जखमी झाले असून त्यांना जिल्हा रुग्णालयात उपचारार्थ दाखल करण्यात आले आहे.

नाशिक -पंचवटीतील परिसरातील कुमावतनगर येथे शुक्रवारी सातच्या सुमारास गॅस गळती होऊन सिलिंडरचा स्फोट झाल्याची घटना घडली आहे. या स्फोटात एकाच घरातील सहा व्यक्ती गंभीर जखमी झाले असून त्यांना जिल्हा रुग्णालयात उपचारार्थ दाखल करण्यात आले आहे. सदर जखमी परराज्यातील असून मोलमजुरी करण्यासाठी मागील अनेक वर्षांपासून ते नाशिकमध्ये स्थायिक झाले आहेत.

बिडी पेटवल्याने लागली आग -

याबाबत अधिक माहिती अशी की, पंचवटीतील पेठरोडवरील कुमावतनगर येथे टाईल्सचे काम करणारे परराज्यातील सात जण राहतात. गुरूवार (ता.२१) रोजी रात्री घरातील सदस्यांकडून गॅस व्यवस्थित बंद करण्याचे राहून गेले होते. शुक्रवार (ता .२२) रोजी सकाळी सातच्या दरम्यान एकाने सकाळी माचिसने बिडी पेटवली असता रूममध्ये गॅस गळती झाल्याने गॅसचा भडका झाला. या भडक्यात लवलेश धरम पाल (रा.अलादात पूर, जिल्हा उत्तर प्रदेश), अखिलेश धरम पाल,विजयपाल फत्तेपूर (उत्तर प्रदेश), संजय मौर्य (रा. अलादात पूर फतेहपुर, (रा.उत्तर प्रदेश), अरविंद पाल (रा. इसापूर फतेहपुर, उत्तर प्रदेश), वीरेंद्र कुमार (रा. बारमपूर, फतेहपूर, उत्तर प्रदेश), सर्वांचे वय अंदाजे ३५ ते ४० वर्षे असून हे जखमी झाले आहेत. जखमींवर नाशिकच्या जिल्हा रुग्णालयात उपचार सुरू आहेत.

हे ही वाचा -मुंबई : अल्पसंख्यांक मंत्री नवाब मालिक यांना राजस्थानमधून धमकीचा फोन