नाशिक - महानगरपालिकेची प्रभाग क्र.26 मधील पोटनिवडणूक काही दिवसांवर आली आहे. या प्रभागातील महाविकास आघाडी पुरस्कृत उमेदवाराच्या प्रचारासाठी कॅबिनेट मंत्री गुलाबराव पाटील यांनी उपस्थिती लावली. यावेळी जाहीर भाषणादरम्यान त्यांनी प्रतिस्पर्धी मनसेच्या उमेदवाराला लक्ष्य केले. मनसे हा पक्षच नसून बाळासाहेबांशी गद्दारी करणारे संपले आहेत, असे ते म्हणाले. ठाकरे नाव आहे म्हणून थोडीफार किंमत आहे, असे वक्तव्य करून त्यांनी राज ठाकरेंना टोला लगावला.
महाविकास आघाडी पुरस्कृत उमेदवाराच्या प्रचारासाठी कॅबिनेट मंत्री गुलाबराव पाटील यांनी उपस्थिती लावली.
'मी पाणी पुरवठा मंत्री झालोय, आणि पहिले पाणी नाशिकमध्येच पाजायला आलोयं', असा खोचक टोला त्यांनी लगावलायं. खुटवडमध्ये त्यांची जाहीर सभा झाली. यावेळी त्यांनी भाजपवरही निशाणा साधला. मुस्लीम बांधवांचा भाजपने आजपर्यंत फक्त वापर केल्याचा आरोप त्यांनी केला आहे.