नागपूर -जुन्या वादाचा वचपा काढण्यासाठी दोघांनी मिळून एका तरुणाची दगडाने ठेचून निर्घृण हत्या केल्याची घटना घडली ( Youth killed in Nagpur) आहे. नागपूर शहरातील राणा प्रताप नगर पोलीस ठाण्याच्या हद्दीतील अंबाझरी तलाव परिसरात ही घटना घडली आहे. संघर्ष मेश्राम (२६) असे हत्या झालेल्या तरुणाचे नाव आहे, तर शुभम उर्फ बॉबी साहू आणि शहरूम पटेल असे आरोपींचे नावे आहेत. पोलिसांनी दोन्ही आरोपींना अटक केली आहे.
डोक्यावर दगडांनी वार करुन केली हत्या - मृतक संघर्ष आणि आरोपी बॉबी, शहरूम पटेल हे तिघेही अंबाझरी तलाव परिसरामध्ये फिरायला आले होते. एकमेकांची टिंगल करत असताना त्यांच्यात जुना वाद उफाळून आला. त्यानंतर त्यांनी संगनमत करून संघर्षच्या डोक्यावर दगडांनी वार करून हत्या केली आहे. त्यानंतर दोनही आरोपींनी घटनास्थळावरून पळ काढला. मात्र, पोलिसांनी काही तासांतच अटक केली आहे.