President Nagpur Visit : आतापर्यंत 'या' राष्ट्रपतींनी दिली होती नागपूरला भेट

देशाचे राष्ट्रपती रामनाथ कोविंद (President Ram Nath Kovind Nagpur Visit) हे रविवारी नागपूर दौऱ्यावर आले होते. याआधी देखील अनेक राष्ट्रपतींनी नागपूरला भेट दिली होती. त्यात डॉ. एपीजे अब्दुल कलाम, प्रणव मुखर्जी, के. आर. नारायण, प्रतिभा पाटील यांचा समावेश आहे.

नागपूर - देशाचे राष्ट्रपती रामनाथ कोविंद (President Ram Nath Kovind Nagpur Visit) हे रविवारी नागपूरला इंडियन इन्स्टिट्यूट ऑफ मॅनेजमेंट (IIM) भव्यदिव 132 एकरात विस्तारलेल्या कॅम्पसच्या उद्घाटनासाठई आले होते. यावेळी त्यांनी देशातील युवकांना मार्गदर्शन केले. या पार्श्वभूमीवर नागपूर येथील भारतीय व्यवस्थापन संस्था (आयआयएम) मध्ये विद्यार्थ्यांमध्ये रोजगार देणारे होण्याची क्षमता विकसित करण्यासाठी अनुरुप अशी परिसंस्था ठरेल, असा विश्वास राष्ट्रपती रामनाथ कोविंद यांनी व्यक्त केला. पण हा दौरा त्यांचा पहिला दौरा नव्हता.

रामनाथ कोविंद नागपूर भेट- राष्ट्रपती म्हणून रामनाथ कोविंद हे 22 सप्टेंबर 2017 ला नागपूर दौऱ्यावर आले होते. यावेळी त्यांनी दीक्षाभूमीला सकाळी 11 वाजून 55 मिनिटांनी भेट दिली होती. यावेळी त्यांनी संपूर्ण मानव समाज प्रगतीच्या मार्गात अग्रेसर होऊ शकला, ही पवित्र दीक्षाभूमी संपूर्ण विश्वाला त्याग, शांती व मानवता याकडे जाण्यास प्रेरणा देत असल्याचे म्हणत येथे पवित्र भूमीत येवून अपार प्रसन्नता झाल्याचा अभिप्राय नोंदवला. त्यानंतर कामठी येथील विपस्त्याना केंद्राचे उद्घाटन त्यांच्या हस्ते पार पडले होते. आयआयएम नागपूरचा हा त्यांचा दुसरा दौरा होता.

के. आर. नारायण नागपूर भेट - याच दिक्षाभूमीचे उद्घाटन देशाचे 10 वे राष्ट्रपती के. आर. नारायण यांच्या हस्ते झाले. 18 डिसेंबर 2001 रोजी ते नागपुरला आले होते. यावेळी त्यांच्या हस्ते लोकार्पण सोहळा पार पडला. देशाला संविधान देणारे डॉ. बाबासाहेब आंबेडकर यांच्या विचारांचा पगडा त्यांच्यावर होता. त्यांनी यावेळी संविधान निर्माते बाबासाहेब आंबेडकर यांच्या कार्याचे कौतुक केले होते, अशी माहिती डॉ. आंबेडकर यांचे अभ्यासक असलेले प्रकाश खरात यांनी 'ईटीव्ही भारत'शी बोलताना दिली.

डॉ. ए पी जे अब्दुल कलाम नागपूर दौरा - देशाचे 11 वे राष्ट्रपती डॉ. ए पी जे अब्दुल कलाम हे सुद्धा नागपूर दौऱ्यावर आले होते. 26 सप्टेंबर 2014 मध्ये नागपूर विद्यापीठाचा 100 वा दीक्षांत समारोह सोहळ्याच्या कार्यक्रमाला कलाम आले होते. यावेळी 998 विद्यार्थ्यांना पीएचडी डिग्री त्याच्या हस्ते देण्याचा मानस विद्यापीठाचा होता. यावेळी त्यांनी युवा पिढीला मार्गदर्शन केले. विदर्भात चांगले गुणवत्ता आणि उत्कृष्ट ब्रेन असलेले युवा आहेत. या सगळ्याना विज्ञानाच्या मदतीने त्यांना कश्या पद्धतीने घडता येईल असा संदेश दिला होता. तसेच संख्या वाढवताना गुणवत्वतेशी तडजोड होऊ नये असेही सुचले असल्याची माहिती परीक्षा विभागाचे प्रमुख प्रफुल साबळे यांनी ईटीव्हीशी बोलताना स्मरणात असलेल्या काही आठवणी शेअर केल्या आहेत.

प्रतिभा पाटील नागपूर दौरा - 12 व्या राष्ट्रपती प्रतिभा पाटील यांचे मूळ निवास हे अमरावतीचे असल्याने अनेकदा त्यांचे नागपुर विमानतळावर येणे असायचे. त्यांच्या उपस्थितीत नागपूर शहरात सुद्धा अनेक कार्यक्रम पार पडले. अमरावती नागपूर हे त्यांचासाठी घर अंगण असल्याने नागपुरात अनेक सामाजिक कार्यक्रमाला त्यांनी हजेरी लावली असल्याची माहिती पत्रकारिता क्षेत्रातील मंडळींकडून मिळाली.

प्रणव मुखर्जी नागपूर दौरा -13 वे राष्ट्रपती प्रणव मुखर्जी हे 2015 मध्ये राष्ट्रपती असताना आणि 2018 मध्ये राष्ट्रपती नसताना नागपूर दौऱ्यावर आले होते. 13 सप्टेंबर 2015 मध्ये ते दोन दिवसाच्या नागपूर दौऱ्यावर होते. विश्ववर्या इन्स्टिट्यूटच्या (VNIT)13 व्या दीक्षांत संमारोह आणि महानगर पालिकेच्या 151 वा स्थापना दिवस साजरा करणयासाठी काही खास कार्यक्रमाला त्यानी हजेरी लावली असल्याची नोंद आहे.