तोतलाडोह धरणातून विसर्ग सुरू; नदी काठच्या गावांना सतर्कतेचा इशारा

शहराला पाणीपुरवठा करणारे तोतलाडोह धरण पूर्ण भरल्याने त्यामधून पाण्याचा विसर्ग सुरू आहे. यामुळे पेंच आणि कन्हान नदीकाठच्या गावातील नागरिकांना सतर्कतेचा इशारा देण्यात आला आहे.

नागपूर- शहराला पाणीपुरवठा करणारे तोतलाडोह धरण पूर्ण भरल्याने त्यामधून पाण्याचा विसर्ग सुरू आहे. यामुळे पेंच आणि कन्हान नदीकाठच्या गावातील नागरिकांना सतर्कतेचा इशारा देण्यात आला आहे.

धरणाचे १४ दरवाजे २ मीटरने उघडण्यात आले आहे. त्यामधून २७२७.३४ क्युसेक पाण्याचा विसर्ग सुरू आहे. तसेच नवेगाव खैरी या धरणाचे १६ दरवाजे १.५ मीटरने उघडण्यात आले असून, १६४९.७६ क्युसेक पाण्याचा विसर्ग सुरू आहे.

यामुळे पेंच व कन्हान नदीकाठच्या गावातील लोकांना सतर्कतेचा इशारा देण्यात आला आहे. लोकांनी आवश्यक सावधगिरी बाळगावी. शासनाकडून मिळत असलेल्या सूचनांवर लक्ष ठेवून त्याचे पालन करावे, असे आवाहन आपत्ती व्यवस्थापन विभागातर्फे करण्यात आले आहे.