नागपूर :ऑस्ट्रेलिया सोबत सुरू असलेल्या टी-ट्वेंटी क्रिकेट मालिकेचा पहिला सामना मोहाली येथे खेळण्यात आला. मात्र, पहिल्याच सामन्यात भारतीय क्रिकेट संघाला पराभवाला सामोरं जावं लागलं. त्यामुळे आता नागपुरात होणाऱ्या दुसऱ्या टी-ट्वेंटी क्रिकेट सामन्याकडे प्रेक्षकांचं लक्ष लागलेलं आहे.
प्रतिक्रीया देताना प्रादेशिक हवामान विभाग संचालक
नागपूरच्या विदर्भ क्रिकेट असोसिएशन जामठाच्या मैदानावर भारतीय संघ पराभवाचा वचपा काढेल का ? याकडे सुद्धा क्रिकेट रसिकांच्या नजरा लागलेले आहेत. मात्र, नागपूरच्या सामन्यावर पावसाचं गहन सावट (Rain forecast in Vidarbha) असल्याची माहिती समोर आली आहे. त्यामुळे क्रिकेट प्रेमींच्या उत्साहावर विरजण पडण्याची शक्यता (Nagpur cricket match will be rained out) आहे.