नागपूर- पोलीस आयुक्त आमितेश कुमार यांनी घराच्या गणपतीला महानगर पालिका प्रशासनाकडून करण्यात आलेल्या फुटाळा तलावावरील कृत्रिम हौदात विसर्जन केले. कोरोनाच्या पार्श्वभूमीवर घातलेल्या निर्बंधांचे पालन सामान्य नागरिकांना असते असून त्याच नियमाचे पालन करून अमितेश कुमार यांनी कुटुंबीयांच्या उपस्थितीत गणपती बाप्पाला निरोप दिला आहे. नागरिकांनीही कृत्रिम हौदात गणरायाचे विसर्जन करावे, असे आवाहन त्यांनी केले.
यासाठी शहरात 248 कृत्रिम कुंड तयार करण्यात आले आहे. नागपुरात शहरातील विविध भागांतील झोन नुसार हे कृत्रिम हौद तयार करण्यात आले आहे. नागरिकानी त्यांच्या भागात त्या ठिकाणी हौदात विसर्जन करावे, असे आवाहन केले आहे. शहरात 248 हौद तयार करण्यात आले आहे. शिवाय फिरते हौद ही संकल्पनाही राबवण्यात आली आहे. शहरात फुटाळा तलाव, गांधी सागर तलाव, सोनेगावे तलाव याठिकाणी घरगुती गणपती ज्यामध्ये साधारण 25 हजार गणपती आहे. विसर्जन केले जाणार असल्याची शक्यता वर्तवली जात आहे. यामुळे मोठ्या प्रमाणत तलावाचे पाणी दूषित होण्यापासून वाचले आहे.