महाराष्ट्र

maharashtra

ETV Bharat / city

Nagpur Crime News : तलवारीच्या धाकाने व्यवस्थापकाला 3 लाखांना लुटले; पोलिसांनी 12 तासांत पकडले - नागपूर मराठी बातमी

एका कंपनीच्या व्यवस्थापकाला तलवारीच्या धाकाने 3 लाख 20 हजारांना लुटले ( Manager Robbed Threatening Sword ) होते. त्याप्रकरणी पोलिसांनी 12 तासांत दोन आरोपींना अटक केली आहे.

Nagpur Crime News
Nagpur Crime News

By

Published : Mar 2, 2022, 6:52 PM IST

नागपूर - शहरातील तहसील पोलीस ठाण्याच्या हद्दीत तलवारीचा धाक दाखवून एका कंपनीच्या व्यवस्थापकाकडून तीन लाख 20 हजार रुपये लुटले ( Manager Robbed Threatening Sword ) होते. यामुळे परिसरात एकच खळबळ उडाली ( Nagpur Crime News ) होती. त्याप्रकरणी तक्रार दाखल होताच तहसील पोलिसांनी अवघ्या 12 तासांत दोन आरोपींच्या मुसक्या आवळल्या ( Tahsil Police Station Nagpur ) आहेत. राजू उर्फ गौतम भीमराव रामटेके आणि अशोक किसन पाटील, असे अटक करण्यात आलेल्या आरोपींचे नाव आहे.

पोलिसांनी दिलेल्या माहितीनुसार, तहसील पोलीस ठाण्याच्या हद्दीत गांधीबाग येथील सिद्धीविनायक इमारतीत गिरनार कार्गो एस्कॉर्ट सर्व्हिसचे कार्यालय आहे. कंपनीचे व्यवस्थापक ओमप्रकाश हे त्यांच्या कार्यालयात काम करत होते. तेव्हा दोन गुंड तलवार घेऊन कार्यालयात शिरले. त्यागुंडांनी व्यवस्थापकाला जबर मारहाण केली. त्यानंतर गुंडांनी तलवारीचा धाक दाखवत 3 लाख 20 हजार रुपये घेऊन पळ काढला. त्यानंतर कंपनीच्या व्यवस्थापकाने तहसील पोलीस ठाण्यात तक्रार केली होती.

१२ तासांत आरोपी जेरबंद

फेब्रुवारी महिन्यात एकही हत्येची घटना घडली नाही. म्हणून नागपूर शहर पोलीस विभागाचे अधिकारी आणि कर्मचारी भलतेच खुश झाले होते. मात्र, दिवसाढवळ्या तलवारीच्या धाकावर लूट झाल्याने पोलीस यंत्रणेत एकच खळबळ उडाली होती. आरोपींना अटक करण्यासाठी कर्मचाऱ्यांवर दबाव वाढला होता. पण, आरोपींचा सुगावा लागताच अवघ्या 12 तासांत आरोपींना जेरबंद केले आहे. यातील एक आरोपी राजू उर्फ गौतम हा आठ वर्षांपूर्वी गिरनार कार्गो कार्यालयात काम करत होता. त्यामुळे त्याला अटक करण्यात पोलिसांना फार अडचणी आल्या नाही.

हेही वाचा -Nitesh Rane On Disha Salian : पोलिसांच्या नोटिसीनंतर नितेश राणेंची प्रतिक्रिया; म्हणाले, 'दिशाला न्याय मिळावा...'

ABOUT THE AUTHOR

...view details