नागपूर - राज्याच्या अर्थसंकल्पीय अधिवेशनाला सोमवारपासून सुरुवात झाली. आज अधिवेशनात जनतेतून थेट सरपंच निवडण्याचा कायदा महाविकास आघाडीने बरखास्त केला. यानंतर भाजपचे नेते चंद्रशेखर बावनकुळे यांनी पत्रकार परिषद घेतली. यावेळी त्यांनी सरपंचांची मतं लक्षात न घेता सरकारने जनतेवर असन्यायकारी निर्णय लादल्याचा आरोप केला. तसेच हा निर्णय राज्य सरकारने बहुमताच्या आधारावर घेतला असून यामध्ये विरोधकांना विश्वासात घेतले नसल्याचे ते म्हणाले. संबंधित निर्णय फडणवीस सरकारने जनतेची मते जाणून घेतल्यावर केला होता. त्यामुळे हा निर्णय रद्द करणे हे अन्यायकारी आहे, असे बावनकुळे म्हणाले.
भाजपचे नेते चंद्रशेखर बावनकुळे यांनी पत्रकार परिषदेत महाविकास आघाडीला लक्ष्य केले.