नागपूर - शहराच्या गणेशपेठ पोलीस ठाण्याच्या हद्दीतील गांधीसागर तलावात १० जूनला हात पाय नसलेले मानवी धड पोत्यात आढळून आले होते. या धडाची ओळख पटवण्यात गणेशपेठ पोलीस आणि गुन्हे शाखेला यश आले आहे. हे धड सुधाकर रंगारी (रा. जरीपटका परिसर, नागपूर) या व्यक्तीचे असून तो शहरात ई-रिक्षा चालवायचा, अशी माहिती पोलिसांनी दिली.
घटनेबाबत माहिती देताना पोलीस अधिकारी नागपूर शहराच्या गणेशपेठ पोलीस ठाण्याच्या हद्दीतील गांधीसागर तलावात १० जूनला हात पाय नसलेले मानवी धड पोत्यात आढळून आले होते. त्याच्याच दुसऱ्या दिवशी म्हणजेच ११ जुलैला त्या धडाचे हात आणि पाय आणि मुंडके भरुन असलेले दुसरे पोते त्याच तलावात सापडले. या घटनेचा तपास करताना गणेशपेठ पोलिसांसमोर मृताची ओळख पटवण्याचे मोठे आवाहन होते. मृतदेहाचे तुकडे असलेली २ पोती आढळल्याच्या घटनेला अनेक दिवस उलटले तरी मृतदेहाची ओळख पटत नसल्याने या घटनेचा तपास गुन्हेशाखेकडे सोपवण्यात आला होता.
गणेशपेठ पोलीस आणि गुन्हेशाखा पोलीस या घटनेचा समांतर तपास करत असताना पोलिसांनी संगणक तज्ञांची मदत घेतली. यानंतर त्यांनी मृतदेहाशी मिळता-जुळता चेहरा असलेला फोटो सॉफ्टवेअरच्या मदतीने तयार करुन घेतला आणि तो फोटो पोलिसांनी समाज माध्यमांवर प्रसारित केला. मात्र, पोलिसांना या मृतदेहाचा ओळख पटवण्यात यश आले नाही. त्यामुळे त्यांनी आपले खबरी नागपूर शहराच्या विविध परिसरात ऍक्टिव्ह केले, त्यापैकी एकाने फोटोशी मिळता-जुळता व्यक्ती हा जरीपटका परिसरात राहत असून तो अनेक दिवसांपासून बेपत्ता असल्याची माहिती दिली.
पोलिसांनी खबऱ्याकडून मिळालेल्या माहितीच्या आधारे सुधाकरचे घर गाठले. मृतदेहाचा फोटो दाखवताच त्याच्या कुटुंबातील लोकांनी मृतदेह हा सुधाकरचा असल्याची ओळख पटवली. मृतदेहाची ओळख पटल्यानंतर सुधाकरची हत्या कोणी आणि कशासाठी केली. या संदर्भात तपास सुरू झाल्यानंतर पोलिसांना सुधाकर बेपत्ता झाले त्यावेळचे मोबाईल लोकसेशनसह त्या परिसरातील सीसीटीव्ही फुटेज तपासायला सुरुवात केली. यावेळी त्यांना सुधाकर हा घटनेच्या दिवशी भोतमांगे यांच्याबरोबर असल्याचे फुटेज हाती लागले. पोलिसांनी भोतमांगेला ताब्यात घेऊन त्याची चौकशी केली असता त्यानेच ही हत्या केल्याची कबुली दिली. या कामात त्याचा मित्र राहुल धापोडकर सह अन्य एका मित्राची मदत घेतल्याचे सांगितले.
आरोपींनी सुधाकरची हत्या करण्यापूर्वी सोबत दारू पिली. त्यानंतर सुधाकर पुन्हा भोतमांगे याला शिवीगाळ करुन मारहाण करू लागला. आधीच सुधाकर बद्दल राग मनात असल्याने भोतमांगेने बियरची बाटली फोडून सुधाकरची हत्या केली. त्यानंतर मृतदेह रेल्वे लाईनवर फेकून एकादी रेल्वे गाडी त्या मृतदेहावरुन गेल्यास अपघात झाला असावा, अशी परिस्थिती निर्माण करण्याचा आरोपींचा बेत होता. पण बराच वेळ एकही गाडी न आल्याने आरोपींनी सुधाकरचा मृतदेह भोतमांगेच्या खोलीवर आणून इलेक्ट्रिकल कटर मशीनच्या मदतीने त्या मृतदेहाचे ७ तुकडे करुन ते २ पोत्यात भरुन गांधीसागर तलावात फेकल्याची कबुली दिली. या प्रकरणाचा तपास करताना पोलिसांनी दाखवलेल्या कौशल्यामुळे पोलीस आयुक्तांनी तपासी पथकाला ८० हजाराचे बक्षीस जाहीर केल
