CNG Rate : नागपूरात सीएनजीचे दर पुन्हा भडकले; दहा दिवसांत सहा रुपयांनी महागले सीएनजी

सर्वात महाग सीएनजी नागपूरात ( Expensive CNG in Nagpur ) मिळत आहे. नागपुरात आज सीएनजीच्या दरांमध्ये गेल्या दहा दिवसांमध्ये 6 रुपयांची वाढ झाली आहे.

नागपूर :सर्वात महाग सीएनजी नागपूरात ( Expensive CNG in Nagpur ) मिळत आहे. नागपुरात आज सीएनजीच्या दरांमध्ये गेल्या दहा दिवसांमध्ये 6 रुपयांची वाढ झाली आहे. त्यामुळे नागपुरात सीएनजीचे दर 114 रुपये प्रति किलो पर्यत गेले आहेत. पेट्रोल आणि सीएनजीचे जवळजवळ सारखे आहेत त्यामुळे पेट्रोल आणि सीएनजीच्या दरात एकप्रकारे शर्यत लागल्याचं चित्र निर्माण झाले आहे. पेट्रोल डिझेलच्या वाढत्या दरांमुळे इंधनाचा स्वस्त पर्याय म्हणून सीएनजीकडे पाहिले जात होते. मात्र,सीएनजीच्या दरातही मोठी वाढ झाल्यामुळे नागपुरातील सीएनजीचे दर महाराष्ट्रातचं नाही तर देशात सुद्धा सर्वाधिक ठरण्याची आहेत.

म्हणून सीएनजी महाग झाल्याचं करण दिलं जातंय : सीएनजीचा पुरवठा करणाऱ्या कंपनीने दहा दिवसांमध्ये 6 रुपयांनी सीएनजीच्या दरात सहा रुपयांची वाढ जाहीर केली आहे. त्यामुळे आता नागपूरात सीएनजीचे दर प्रति किलो 114 रुपये झाले आहे. एलएनजीच्या उपलब्धतेत अडचण असल्यामुळे आणि नागपुरात पुरवठादाराकडून एलएनजी आणून त्याचे रूपांतरण सीएनजी मध्ये केले जात असल्यामुळे सीएनजीच्या पुरवठ्यामध्ये अडचणी निर्माण झाल्याची माहिती आहे.

वाहनधारकांचा सीएनजीकडे वाढता कल : पेट्रोल आणि डिझेलचे दर शंभरी पार केल्याने अनेक नागरिक सीएनजी वाहन खरेदी करत आहेत. कारण सीएनजीचे दर शंभर रुपयांच्या आतमध्ये आहे. वेगवेगळ्या शहरात याचे दर 60 ते 65 रुपयांपर्यंत दर होते. पण, गेल्या काही दिवसांपासून याचे दर वाढले आहेत. सीएनजीत देखील पेट्रोल आणि डिझेल प्रमाणे भाववाढ होत असल्याने वाहनधारकांची एकच पंचायत झाली आहे.

नाशिकमध्ये देखिलसातत्याने होते वाढ - पेट्रोल, डिझेल आणि सीएनजी गॅसच्या दारात केवळ 10 ते 15 रुपयांची तफावत राहिली असल्याने वाहनधारकांमधून नाराजी व्यक्त होते आहे. नाशिकमध्ये एप्रिल महिन्याच्या पहिल्या आठवड्यात सीएनजीचे दर प्रति किलो 71 रुपये एवढे होते. मे महिन्याच्या अखेरीस 10 रुपयांनी तर जून महिन्यात 4 रुपयांनी वाढ झाली होती. आता पुन्हा चार रुपयांना वाढ झाल्याने हे भाव 96 रुपये प्रति किलो पर्यंत जाऊन पोहोचले.