नागपूर - नागपूर शहरात एक धक्कादायक बाब उघडकीस आली ( Children HIV Positive In Nagpur ) आहे. येथील थॅलेसेमियाच्या रुग्ण असलेल्या चार लहान मुलांना दूषित रक्त मिळाल्याने एचआयव्हीचे संक्रमण झाले आहे. तर, यातील एका मुलाचा एचआयव्हीने मृत्यू झाला आहे. यामुळे एकच थरकाप उडाला आहे. यातील एका चिमुकल्याच्या पित्याने ईटिव्ही भारतशी बोलताना आपले दु:ख व्यक्त केले आहे. जर, माझ्या मुलाला नॅट टेस्ट रक्त न मिळाल्याने एका आजाराशी झुंजत असताना त्याला एचआयव्हीसारख्या गंभीर आजाराचे संक्रमण झाले, अशी प्रतिक्रिया त्यांनी दिली ( Children HIV Positive After Blood Transfusion )आहे.
सुमित ( बदललेले नाव ) हा चार महिन्याचा असताना त्याला थॅलेसेमियाची लागण झाली. त्याला नागपूरमधील खाजगी ब्लड बँकेंकडून रक्त देत असल्याचे पित्याने सांगितले. मात्र, मागील महिन्यात डॉ. रुघवानी यांच्याकडे रक्त देण्यासाठी गेले असता, सहा वर्षांच्या मुलाला एचआयव्हीची लागण झाल्याचे समोर आले. ज्या दिवशी ही बाब त्यांना माहिती झाली तेव्हा त्यांच्या काळजाचा थरकाप उडाला. काय करावे असे समजत नसताना त्यांनी डॉ. रुघवाणी यांनी आधार दिला.
यावेळी त्या लहान मुलावर उपचार सुरु झाला. आई-वडिलांची चाचणी झाली यात त्यांना एचआयव्ही नसल्याचे समोर आले. रक्त देताना या मुलाला एचआयव्हीचे संक्रमण झाले. मात्र, या मुलांना नॅट टेस्ट ब्लड मिळाले असते, तर या भयावक आजाराचे संक्रमण झाले नसते. त्यामुळे थलेसेमिया आजाराची लागण झालेल्या रुग्णांना शुद्ध आणि संक्रमित नसलेले रक्त मिळावे, अशी मागणी त्या पित्याने केली आहे.