मुंबई - आर्टिकल 370 हटवल्यानंतर भाजपने समर्थन मिळवण्यासाठी केंद्रातील एका मोठ्या अधिकाऱ्याला चर्चेसाठी आपल्याला पाठवल्याचे झाकिर नाईक याने सांगितले आहे. संबंधित अधिकाऱ्याला गृहमंत्री अमित शाह व पंतप्रधान नरेंद्र मोदी यांनी मलेशियात बैठकीसाठी पाठवल्याचे तो म्हणाला. तसेच काश्मीरमधील 370 आर्टिकल हटवण्याच्या समर्थनात भाजपसोबत यावे, अशी 'ऑफर' या अधिकाऱ्याने दिल्याची माहिती झाकिर नाईकने दिली आहे.
झाकिर नाईक याने गृहमंत्री अमित शाह व पंतप्रधान नरेंद्र मोदी यांच्यावर आरोप केले आहेत.
काश्मीर मुद्द्यावर भारताला समर्थन दिल्यास माझ्यावर लावण्यात आलेले सर्व आरोप मागे घेण्यात येतील, असे नाईकने सांगितले आहे. तसेच भारतात परतण्यासाठी मार्ग मोकळा करून देण्याचे आश्वासन पंतप्रधान नरेंद्र मोदी व अमित शाह यांच्याकडून देण्यात आल्याचे त्याने म्हटले आहे.