मुंबई -धुळे, अहमदनगर, नांदेड-वाघाळा आणि सांगली-मिरज-कुपवाड या चार महानगरपालिकांमधील (Municipal Corporation) रिक्तपदांच्या पोटनिवडणुकांसाठी (By-elections) 21 डिसेंबर 2021 रोजी मतदान होणार आहे. तर 22 डिसेंबर रोजी मतमोजणी होईल, अशी माहिती राज्य निवडणूक आयुक्त यू.पी.एस. मदान यांनी आज (बुधवारी) दिल्लीत दिली.
या पोटनिवडणुकांसाठी संबंधित प्रभागात आजपासून (बुधवारी) आचारसंहिता लागू झाली असून ती निवडणुकीचा निकाल जाहीर होईपर्यंत अंमलात राहील. नामनिर्देशनपत्रे 29 नोव्हेंबर ते 6 डिसेंबर 2021 या कालावधीत स्वीकारले जातील. 5 डिसेंबर रोजी शासकीय सुट्टीमुळे नामनिर्देशन पत्रे स्वीकारण्यात येणार नाहीत. 7 डिसेंबर रोजी नामनिर्देशनपत्रांची छाननी होईल. नामनिर्देशनपत्रे मागे घेण्याची अंतिम मुदत 9 डिसेंबर 2021 पर्यंत असेल. निवडणूक लढविणाऱ्या उमेदवारांना 10 डिसेंबर 2021 रोजी निवडणूक चिन्हे नेमून देण्यात येतील. 21 डिसेंबर 2021 रोजी सकाळी 7.30 ते सायंकाळी 5.30 या वेळेत मतदान होईल. मतमोजणी 22 डिसेंबर 2021 रोजी होईल, अशी माहितीही मदान यांनी दिली आहे.
महानगरपालिकानिहाय रिक्तपदे
धुळे - 5 ब